Hargeysa(GNA)-Xildhibaan Cabdiqaadir indho-indho oo ka mid ah mudaneyaasha Golaha Guurtida ee ka soo jeeda Gobolka Sool , ayaa meesha ka saaray suurto-galnimada Weerar Maamuladda Puntland iyo Khaatumo si wada jir ah ugu soo qaadaan Somaliland.
Hadalka Xildhibaanka ayaa ka dambeeyay Warar laysla dhexmarayay, Warbaahinta Somaliland-na si weyn u qaadaa dhigaysay Maanta ilaa shalay oo sheegaya inay labada dhinaca Magaalada taleex ee Gobolka Sool ku diyaarinayaan Dagaal ka dhan ah Ciidamada Somaliland ee ku sugan Gobolka Sool.
Xildhibaan indho-indho ayaa sheegaya in Maamulka Puntland iyo Khaatumo isku haystaan Raashin Mucaawimo ah oo dhawaan laga soo dejiyay Dekedda Berbera, ka dib markii laga celiyay Xeebta Boosaaso oo la doonayay in looga soo dejiyo deegaamo ka tirsan Puntland iyo Somaliland oo Bisha Cas ee Turkigu soo dirtay, balse xildhibaanku sheegay in dano siyaasadeed laga lahaa.
“Puntland iyo Khaatumo waxay isku haystaan Raashinkii Dekedda Berbera laga soo dejiyay ee Madaxweyne ku-xigeenku Taleex u diray, raashinkaasoo anigu aan u arko a mid siyaasad laga leeyahay, waxa la geeyay Taleex, dabadeed kiibay isku haystaan, yaynaan inagu mideyn dad iyagu isheysta “ayuu yidhi.
Waxaanu intaasi ku “waayo waxaan sidaa u leeyahay weerar ay inagu soo qaadaan iska daaye iyagaa isdilaya oo Khaatumona Boocame fadhidaa, Puntland Taleex, markaa iyagu markay soo kala adkaadaan ayaynu inagu la ciyaari doonaaye, iminka iyagiibaaba is-dilaya, markaa anigu uma arko in la yidhaahdo weerarbay nagu soo qaadayaan”ayuu yidhi.
Madaxweyne ku-xigeenka Puntland Gen. Cabdisamad Cali Shirre ayaa maalintii shanaad ku sugan Magaalada Taleex oo ka tirsan Gobolka Sool, waxaana kulamo uu halkaasi ka wato ka dhashay dareemo dhinaca Somaliland ah oo si weyn looga hadal hayo Gobolka Sool iyo deegaamada kale ee dalka.
Gobanimonews
Hargeysa Office
Email: editor@gobanimonews.com