Hargeysa(GNA)31,Aug.-Tan iyo maalintii lagu dhawaaqay Somaliland wuxuu Qarankani ku tallaabsanayay maalinba talaabo horumarineed oo ay ku tallaabsanayeen hadba masuuliyiinta xilka Qaranka Haysaa.waxaa xusid mudan in maanta Qaranka Somaliland uu marayo meel lagu faano oo uu Qarankani gaadhay.
Maanta waxaa ka mid ah hay,addaha tallaabo lagu diirsao hogaankoodu qaaday Baanka Somaliland oo gutay waajibaadkii Qaran ee uu ummadda uga masuulka ahaa,waxaana uu maanta ku talaabsaday guushii ugu waynayd ee uu gaadho waligii,waxaa maanta shilink Somaliland lagu qaataa oo uu ka hirgalay deegaanadda bariga fog ee Somaliland waxaanay tallaabadaasi ku timi dedaalka iyo hawl karninada Gudoomiyaha Baanka Somaliland Cabdi Dirir Cabdi oo ah Aqoonyahan Banker waayo arag ah oo ka soo shaqeeyay baanan caalami ah isla markaana ka gaadhay derajada ugu sarraysa ee ah gudoomiye baan,wuxuu gaadhsiiyay deegaanadda Bari ee dalka waxaanay maanta ka socotaa shilinka Somaliland magaalooyinka Dhahar,Badhan, Laas-qoray iyo dhamaan deegaamadda goboladda Sanaag iyo Badhan,iyo Sool waana tallaabo horumarineed oo uu ku tallaabsaday Gudoomiye Cabdi Dirir Cabdi oo horsed u noqday in shiinka Somaliland uu gaadho dhamaan goboladda dalka gaar ahaan deegaamadda bariga fog ee Somaliland.
Waa markii ugu horaysay ee shilinka Somaliland laga hir galiyo laguna qaato magaalooyinka Badhan,Dhahar iyo Laas-qoray waxaanay ku gaadhay maamuka Cabdi Dirir Cabdi ee hogaanka u haya Baanka Somaliland,tan iyo maalintuu xilka Baanka la wareegay ee gudoomiyaha Baanka loo magacaabayna wuxuu ku talaabsaday.
1.Illaalinka qiimaha shilinka Somaliland iyo xakamaynta sicir bararka.
2.bedelaadda lacagtii giimbaarta ahayd ee magaaladda Burco oo ragaadisay ganacsiga dalka gaar ahaan ganacsiga magaaladda Burco.
3.gaadhsiinta shilinka Somaliland ee goboladda Bari sida Dhahar,Badhan,Laas-qoray iyo deegaamadda hoos taga.
4. ka hor tagga iyo la dagaalanka in ay dalka soo gasho nooc kastaba ha ahaatee in aan dadka lagu dhicin ee laga ilaaliyo.
5.qorshaha ilaalinta dhaqaalaha dalka oo aan marnaba hoos u dhicin taasoo uu masuuliyadeeda leeyahay gudoomiyaha Baanka Somalilad Cabdi Dirir Cabdi oo aqoonteeda leh.
5.qiimaynta iyo xaqiiqo raadinta xilligan uu baanku ugu jiro sidii loo dabar goyn lahaa hadhaaga lacag soomaaliga wali laga qaato deegaano ka mid ah baeriga Somaliland oo ay ugu horrayso gobolka Sanaag taasoo uu gudoomiye Cabdi Dirir u diray xubno khuburo ah oo daraasad ku soo sameeya sidii hawshaa loo gali lahaa lacag Soomaaliga hadhaaga ahna loo dabar jari lahaa.
Haddaba waxay ahayd in lagu ammaano wax qabadka muuqda ee uu qabtay Cabdi Dirir Cabdi ee uu ku tallaabsaday Baanka Somaliland intii uu mayalka u hayay,waxaase la yaab noqotay in maalhanba ay saxaafadda qaarkeed ku soo baxayeen qoraallo lagu dhaliilayo Gudoomiye Dirir kuwaas oo u muuqda in ay ka dambeeyaan shaqsiyaad isku abaabulay hab qabiil oo ka xun wax qabadka gudoomiyaha Baanka Somaliland,waxaana marag ma doon ah in ay shaqsiyaadkaasi yihiin xubno aan arkayn wax qabadka wanaagsan ee uu ku tallaabsaday gudoomiyaha Baanka Somaliland Cabdi Dirir Cabdi,waxaana taasi ay bulshada Somaliland tusaysaa in ay wali jiraan shaqsiyaad aan ka korin Qabyaalad iyo Ardaa-ardaa oo haddii aanu masuulku qoladooda ahayn wax qabad kasta oo wanaagsan oo uu ku tallaabsado u arkaya xumaan isla markaana ku cambaaraynaya tallaabo kasta oo uu dhanka wanaagga u qaado.
Haddaba shaqsiyaadka sidaas ah waxaa haboon in ay ka waantoobaan wax ka sheega masuul Qaran oo xilkiisii gutay isla markaana mudnaa in loo hambalyeeyo,waxaanad Mooddaa in ay jiraan koox isku xidhan oo loo qaadan karo in ay ku jiraan qaar ka mid ah shaqaalaha Baanka oo ay hayb isku raaceen duulaan qabiil-na ku hayaan Gudoomiyaha Baanka Somaliland, laakiin waxay halmaansan yihiin in uu masuulkaasi yahay nin ka soo baxay xilkiisii oo ay ummaddu marag uga tahay .
Waxaa maanta la wada ogsoon yahay halka uu marayo sarifkii Dolarku oo uu gaadhay 6300 halka Dolar oo aanu gaadhin muddo tobanaan sano ah waana dedaalka iyo hawl karnimadda gudoomiyaha Baanka Somaliland oo hadh iyo habeenba heegan ugu jira ilaalinta qiimaha shilinka Somaliland iyo la dagaalanka sicir bararka oo aynu ognahay hadduu sare u koco sida uu saamaynta ugu yeelanayo nolosha dadka iyo dalka.
Haddaba waa yaab e xubnahan habka qabiil isku bahaystay ee wax ka qorayay Gudoomiye Cabdi Dirir Cabdi ma waxay doonayaan ma waxay ka cadhoodeen la dagaalanka sicir bararka iyo ilaalinta qiimaha shilinka Somaliland.
Waa yaabe ma waxay ku macaashi lahaayeen sicir ararka oo ay u dudayaan isla markaana waxay diidan yihiin in la ilaaliyo dadka Somaliland hantidooda oo waxay doonayaan in ay dhacaan oo ay sarrif barar ku macaashaan.
Hadday sidaa tahay arrintoodu waxaa habboon in ay ogaadaan in aanay taasi u hir galayn oo Qaranka Somaliland Xukuumaddiisu u taagan tahay ilaalinta shacabkeeda Baanka Somaliland-na uga masuul yahay ilaalinta qiimaha lagata Dalka iyo dhawrista hantida dadka in aan faalso iyo sicir barar midna lagu dhicin waana hawsha Gudoomiyaha Baanka Somaliland Cabdi Dirir Cabdi.
Waxaa haddaba la gudboon kooxdaa habka qabiil isku bahaysatay ee wax ka qoraysa masuul gutay waajibaadkii Qaran ee loo igmaday
Maanta aqoonbaa Talisoo Ardaa-ardaagii laga gudub ee dadkiina dhinac a raaca kana kora hebel xil Qaran gudanaya wax ka sheega beelaysan.