Madaxweyne Jose Urrutia ayaa xaqiijiyay inay dalab ka heleen Manchester United oo ku aadan saxiixa Andre Herrera laakiin Athletic Bilbao aysan dooneynin inay iska iibiso ciyaaryahanka.
Warar soo baxayay maanta ayaa sheegayay in dalab 30 milyan euro ay Manchestet United ka gudbisay ciyaaryahanka khadka dhexe ee 24 jirka ah.
Si kastaba, madaxweynaha kooxda reer Basque ayaa sheegay inaysan wadaxaajood ka geli doonin dalab ka yar 36 milyan euro oo ah lacagta lagu burburin karo qandaraaskiisa.
“Waxaan dalab rasmi ah u helnay Ander Herrera, dalabkaas xalay ayuu na soo gaaray.” ayuu Urrutia u sheegay suxufiyiinta.
“Inkastoo aan arintaan xaqiijin karno, hadana yoolkeena ma ahan inaan lacag sameyno laakiin waa inaan ceshano ciyaartoydeena.
“Cidii dooneysa inay jabiso qandaraaska waa inay soo bandhigaan inay doonayaan inay baxaan, laakiin taasi ma ahan kiiska Ander.
“Muhim ma ahan inaysan gaarin heerka lacag ee lagu burburin karo qandaraaska Ander. Hadii ay taas dhaco, islamarkaana ciyaaryahanka uu doonayo inuu baxo markaas ayaan ka wada hadli doonaa.
“Weli lama aanan hadlin ciyaaryahanka. Waxaan sheegnay inaanan la xaajoon doonin Manchester United.”