Hargeysa (GNA) - Shirkadda Isgaadhsiinta Casriga ah ee Telesom ayaa casho sharaf ku maamuustay Xalay Naadi kubadda Kolayga dalka Djabouti ka socda oo booqasho Ciyaareed ku jooga Magaalada Hargeysa ee Caasimada somaliland.
Ciyaaryahanadan oo maalmihii ugu dambeeyay booqasho ku joogay Magaaladda Hargeysa ayaa waxa ay kulamo ciyaareed la yeesheen kooxaha Gaashaan iyo Asluubta ee ka dhisan somaliland.
Xafladan casho sharafta ah oo ka dhacday Hoteel Ambasador ee Magaaladda Hargeysa ayaa ka sokow masuuliyiinta Shirkadda Telesom Casuumadda fidisay, waxa iyaguna ka soo qayb galay Wasiirka Ciyaaraha, Wasiir Ku Xigeenka Cadaaladda, Wasiir Ku Xigeenka Warfaafinta, Agaasimaha Guud ee Wasaaradda Ciyaaraha iyo masuuliyiin kale.
Cabdirashiid Caydiid oo kamida bahda Ciyaaraha Somaliland ayaa sheegay shirkadda Telesom inay qaadatay kaalintii ugu weynayd ee soo dhaweynta ciyaartooyda reer Jabouti “koobkii dahabiga ahaa waxaa qaadatay shirkadda Telesom oo aynu caawa halkan [Ambassador Hotel] u fadhino casho sharaftii ay u samaysay sagootiska kooxda reer Jabouti ee walaaleheen ah”ayuu yidhi Mr Caydiid.
Madaxa Iibka iyo Suuq-geynta ee Shirkadda Isgaadhsiinta ee Telesom Mustafe Maxamed Cabdi (Darbo) oo isna halkaasi ka hadlay ayaa sheegay in ay soo dhaweynayaan ciyaaryahanadda Ku ciyaaraya Magaca Caasimadda Djabouti oo booqasho ku joogay Magaaladda Hargeysa.
Maxamed Waxa uu si aad ah ugu nuux-nuuxsaday in ay shirkadoodu dedaalka ugu badan geliso sidii ay ciyaaraha Somaliland ula jaanqaadi lahaayeen caalamka, waxaana hadaladiisii ka mid ahaa ninka ciyaartooyga ahi waxa uu sitaa calankii dalkiisa iyo karaamadii dadkiisa waxaanan looga baahayahay inuu ilaaliyo akhlaaqda iyo dhaqanka dalkiisa iyo dadkiisa”
Waxa kale oo uu intaasi ku daray in shirkadda Telesom oo ka mid ah hormuudka Isgaadhsiinta Casriga ahi ay ka go’an tahay sidii ay isu barbar taagi lahayd dhalinyarada reer Somaliland.
Gudoomiyaha kooxda kubadda koleyga xulka reer Jabouti Mr Caamir oo isaguna ka hadlay madasha xafladdan lagu maamusayey sagootiskooda waxa uu sheegay inay Somaliland kala kulmeen soo dhaweyn iyo qaabilaad wanaagsan oo Aanay markii hore ka filanayn waasida uu hadalka u dhigay e inay Hargeysa kala kulmidoonaan ayna ku faraxsan yihiin inay tartan ciyaareed ugu yimaadaan walaalohooda reer Somaliland “runtii Somaliland waxaanu kala kulanay soo dhaweyn iyo qaabilaad Aanaan markii horey filanayn waanan ku faraxsanahay inanau tartan ciyaareed saaxiibtinimo ah ugu nimaadno walaalahayaga reer Somaliland” ayuu yidhi Mr Caamir.
Maxamed Xasan Cabdillaahi oo ah gudoomiyaha xidhiidhka kubadda koleyga Somaliland oo madasha ka hadlay waxa uu isaguna amaanay kooxda walaalohood ah ee reer Jabouti ee masaafaha dheer u soo jaray inay ciyaar saaxiibtinimo ah ugu yimaadaan dhiggooda reer Hargeysa waxaanu hoosta ka xariiqay muhiimadda ay leedahay is dhexgalka bulshada reer Somaliland iyo reer Jabouti iyada oo loo marayo tartamada noocan oo kale ah oo Aan hada uun ku ekaan balse la qabto xiliyada soo socda kuwo noocan oo kale ah.
“annagu hadaanu nahay xidhiidhka kubadda koleyga Somaliland waanu ku faraxsanahay rartankan nadhexmaray annaga iyo walaalahayaga reer Jabouti waxaanay qayb ka qaadanasyaa si dhexgalka bulshooyinka ku kala dhaqan labada dalk ee walaalaha ah waanan soo dhaweynaynaa in la qabto marar kale tartamada noocan oo kale ah” ayuu yidhi gudoomiyaha xidhiidhka kubadda koleyga reer Somaliland Mr Xasan.
Wasiir ku kigeenka wasaaradda cadaaladda Sheekh Cismaan Nuur oo kahadlay xaflada loo samaynayey sagootiska kooxda ciyaartooyda ka ay isku dalka ka soo jeedaan waxa uu sheegay inaanay kooxdu marti ku ahayn Hargeysa balse ay ugu yimdeen dadkoodii sii daganaa hadii ay kuwa reer Hargeysa jabouti tagaanna sidookale Aanay ku noqonayn marti “kooxdu marti kuma aha Hargeysa waxaanay u yimideen dadkoodii iyo dalkoodii kua reer Hargeysana hadii ay Jabouti tagaan iyana marti ku noqon maayaan Jabouti balse ee waxay u tagayaan uun dadkoodii” ayuu yidhi Sheekh Cismaan Nuur.
Waxaanu intaa ku daray “dee dadka reer Jabouti maanigaa Hargeysa keenay iyagaa yimide kuwa reer Hargeysana maanigaa Jabouti geeyey dee iyagaa tagay oo Ilaahaybaa dhigay? ugu dambayntii waxaa madasha xafladda casho sharafta ah ee ay shirkadda isgaadhsiinta caalamiga ah ee Telesom ku maamuustay sagootinta kooxda xulka kubadda koleyga ee Jabouti City Basked Boll ka hadlay wasiirka ciyaaraha Cali Siciid Rayagl waxaanu ka warramay ahamiyadda ay leedahay qabashada tartamada noocan oo kale ahi iyo kaalinta ay had iyo jeerba ku leedahay shirkadda Telesom badhitaaridda ciyaaraha Somalialnd.
Dhanka kalana waxa uu sheegay inuu ku faraxsanyahay soo dhaweyntii ay markii hore u sameeyeen kooxda reer Jabouti iyo tan ay hadda ku sagootinayaan kooxda walaalahood ah,Mr Raygal waa uu sheegay inuu isagu ka wasiir ahaan la safnaa kooxda reer Jabouti oo safar dheer u soo galay inay guuleystaan balse laga guuleystay ?anigu dee waanigii markii laydinka badiyeyba idiin sheegay oo idinkaan idinla jiray balse nasiibkaa idinka hiiliyey waxaanan jeclaa inaad idinku badisaan”. ayuu yidhi Cali Siciid Raygal.
Mr Raygal waxa uu si balaadhan ugu mahad celiyey shirkadda Telesom oo uu sheegay inay uga soo baxday ciyaaraha dhirkadihii kale ee ganacsiga oo dhan taas oo ay markhraati u tahay sida ay shirkaddu had iyo jeerba garabka iyo gaashaankaba ugu tahay suurto galinta qabsoomidda ciyaaraha ?dalka waxaa ka jira shirkado farabadan oo ganacsato ah basle shirkadda Telesom waxay noqotay saaxiibka kaliya ee had iyo jeerba is barbar taaga wasaaraddayada iyo fududaynta xiyaaraha noocan oo kale ah” ayuu yidhi wasiirka ciyaaraha Cali Siciid Raygal
Gobanimonews
Hargeysa Office
Email: editor@gobanimonews.com