Wednesday, December 31, 2014

Xil.Axmed yasin sh.Ali Ayanle iyo Dhalinyarta Borama oo yeshay kulan noocisa an horay loo arag.

Kulanka oo ay soo qaban qaabiyeen dhalin yar ku bahawday Dallad la magacbaxday Gaashaan oo ka hawlgasha magaalada Borama ayaa maanta ka dhacday Hotelka Rays ee Magaalada Borama.Goobtan oo ay soo buux dhaafiyeen dhalinyar ka kooban wiilal iyo hablo ayaa waxa ka hadlay guddoomiyaha iyo afhayeenka Dalladda Gaashaan oo dhamaantood ka waramay in ujeedooyinka loo aasaasay  ay ugu wayntahay sidii siyaasadda dalka ay uga qaybqaadan lahaayeen.



Xildhibaan Axmed Yasin Sh.Ali Ayanle oo goobta ka jeediyay hadalo u badnaa dhiiri galin iyo xaaladda ka taagan gobolka Awdal ayaa sheegay in siyaasadd ahaan xilligan isagu diyaar u ahayn in uu dhalinyarta ku dhiir galiyo in saamiga ka maqan gobolka lagu raadiyo qori caaradii lakin loo baahan yahay In si salmi ah oo aqooni ku dheehan tahay lagu raadiyo xaqa ama saamiga ka maqan guud ahaan shacabka ku nool galbeedka somalind.



Xildhibaanka ayaa dhalin yarta dib u xasuusiyay xilliyo hore iyo xilligii ay dawladdi dhexe ee Somalia waddanka ka talin jirtay, waxa uu hoosta ka xariiqay in dawladdii dhexe ee Somalia ay reer Awdal u dhiibtay weel madhan oo gobolka Awdal habayaraatee aan laga soo helayn hal mashruuc oo ay dawladdaasi ka fulisay gobolka Awdal. Xildhibaanka ayaa sheegay in Somaliland ay roon tahay marka la eego dawladdii dhexe ee Somalia, lakin loo baahan yahay in isku duubni iyo nabad lagu raadiyo saamiga ka maqan gobolka Awdal.



Xildhibaanka ayaa sheegay in ay dhalinyartu ka fogaato qabyaallada oo ah dareen xun oo ay diinteenu iska taagtay meel adag, xildhibaan ahaanna dhalinyarta Somaliland ay mid u tahay meel kasta iyo gobol kasta oo ay joogaan,waxase xildhibaanku sheegay in ay dhalinyartu tahay laf dhabarta ummadda loona baahan yahay inay bartaan sharciga iyo dastuurka Somaliland si ay xukuumadda ugula doodaan qodoba ay baalmarto.



Dhalinyarta oo aad wajiyadooda ka dheehanaysay sida ay ula dhacsan yihiin lakulanka xildhibaan oo qaarkoodna tixo gabay ay ku ammaanayaan xildhibaanka ayaa gabagabadii kula dul dhacay xildhibaanka su’aalo hor leh oo in badan ay la’aayeen cidd ay waydiiyaan. Su’aalahaas qaarkood ayaa waxa kamid ah in ay dhalinyartu ku wareertay xaaladda gobolka Awdal, ka xildhibaan ahaanna uu tuso go’aanka ay dhalinyartu ka qaadan lahayeen xaaladda gobolka Awdal gaar ahaa go’aanka uu suldaan Wabar qaatay.



Xildhibaanka oo su’aashaasi ka jawaabaya ayaa hoosta ka xariiqay in uu gabi ahaanba ka soo horjeedo go’aanka uu suldaanku qaatay, xilliganna loo baahnayn in qori caaradii waxa lagu raadiyo, lakin ka xildhibaan ahaan uu qaadan doono go’aan ka adag ka suldaan wabar qaatay  si uu u raadiyo xaqqa ka maqan gobolka Awdal.



Dhalin yarta qaar oo la hadlay wakaaladda GNA ayaa aad u dhaliil sanaa xildhibaanka oo ay sheegeen inuu xildhibaanku dano gaar ah ka leeyahay ka hadalka xaaladda gobolka oo looga baahnaa intii uu kulmiye ku jiray inuu aad u raadi saamiga uu hadda ka hadlayo,walaw xildhibaanku arimahaasi horay uga hadlay.



kulankan oo ah kulankii ugu horeeyay ee nuuciisa ah ee dhexmara dhalinyarta gobolka Awdal iyo xildhibaanada golaha wakiilada ee kasoo jeeda gobolka Awdal ayaa u muuqda mid waxwayn ka badalaya hamiga siyaasadeed ee dhalinyarta ku nool gobolada galbeedka.



Mursal Elmi



Gobonimonews



 



 

Fursad Ganacsi oo ka banaan Wershadda Caanaha ee Barwaaqo

OGAYSIISWershadda Caanaha ee Barwaaqo waxay ogaysiinaysaa dhamaan Ganacsatada danaynaysa inay ka faa’iidaystaan Qaybinta iyo Iibinta Caanaha iyo Subaga Al-xayaat . gaar ahaan Ganacsatada ku nool Magaalooyinka Hargeysa, Berbera, Boorama iyo Burco, waxay bixinayaan tartan xarumo-hoosaadyo cayiman oo gaar ah.



Haddaba cid kasta oo danaynaysa inay ka faa’idaystaan fursadahan qaaliga ah ( Sub-agent sales and sales outlets), waxay wixii faahfaahin ah iyo codsiyadda ku soo hagaajinayaan xarumaha Warshada ee Magaalada Hargeysa ama Emailka hayaatmilk@gmail.com



FG. Ganacsade fursadani waxay soconaysaa laga bilaabo 27/ 12/2014 ilaa 03/1/2015, habada ka faa’idayso intaanu wakhtigu kaa dhamaan.

Baashe oo xukuumada ku dhaliilay xadhiga xildhibaanada kuna baaqay in xasaanada loo soo celiyo kuwa xidhan.

Sharcigu Madhigayo In La Xidho Xildhibaano Xasaanad Leh,Xildhibaanada Fadhiga Maq-Naadana Waxaan Leeyahay.Guddoomiye Baashe.
baashewHargaysa(GNA)Baashe Maxamed Faarax Guddoomiyaha 1aad Ee Golaha wakiilada somaliland Ayaa Markii ugu Horaysay Ka hadlay Xildhibaan Ka Tirsan Golaha Deegaanka Boorama Oo Xabsiga ku jira Isaga oo Xukuumada usoo Jeediyay in Ay Sharciga ilaaliso.

Waxa uu ka hadlay Guddoomiye Baashe Fadhigii Golaha Oo Laba Cisho Kooram La’aan U Furmi Waayay Xildhibaanada waxa uu usoo Jeediyay In Ay Fadhiga Yimadaan.
Sidoo kale waxa uu Sheegay Xildhibaanka Saxeexa Buuga Xaadiriska ee Fadhiga ka Maqan in Loo Aqoon San Doono Xildhibaan Maqan.

Ugu Horayn waxa uu ka hadlayaa Xildhibaano ka tirsan Golaha Deegaanka Boorama Oo Wali Xabsiga ku Jira isaga oo ku Baaqay in Xoriyadooda loo Soo Celiyo.

“Xildhibaanadu Xasaanad Ayay Leeyihiin ,Lakiin Hadii Lagu qabto isaga oo Fal Danbiyeed Gacanta Kula Jara Waa laxidhi Karaa,Siday tahayna waxa weeyaan In Sharciga La Dhawro,Hadii la Doonayo in la xidho waa in Xasaanada Laga qadaa oo Golaha Deegaanka Dib ugu Noqdaan Oo Xasaanada Laga qadaa,waxaana Weeyaan Xildhibaan Ha Ahaado Am Qof Shacab Ahbee waa in Markasta Xukuumadu ilaaliso Sharciga.

Dhinaca kale waxa ka hadlay Baashe Maxamed Faarax Guddoomiye ku 1aad ee golaha wakiilada somaliland Xildhibaanada Oo Fadhigii Ka Soo Xaadiri Waayay todobaadkii u danbeeyay.

“waxa loo baahan yahay in ay Xildhibaanadu Kasoo qayb Galaan Fadhiyada,Maalin Dhawaydna waad Arkayseen Oo Laba Fadhi ayay Kooram La’aani Dhacday Horena way iskaga Dhic-dhici Jirtay Lakiin Xildhibaanada waxaanu kuwada hadalnay in Golaha Si Joogta Ay u Imadaan Wakhti yar ayaa Golaha u hadhay Shuruuc Badanina Way Hadhsan yihiin.

Sidoo kale Waxa uu Baaq u diray Xildhibaanada Saxeexa Buuga Xaadiriska ee Ka dibna iska Baxa isaga oo Xildhibaanka Baxa ku sifeeyay Xildhibaan Fadhiga ka Maqan waxaana uu yidhi.

“Xildhibaanka iska baxa ee saxeexa waxaanu u aqoonsan Doonaa Xildhibaan Maqan,Inta Badan kolay waxa dhacda Ninkasta cidii soo dooratay ayaa daba socota doorashana way soo socotaa Xildhibaanku Dadkiisa wixii uu kula Noqon Lahaa ayuu doonayaa,Waxaana ay ila tahay in Xildhibaan kasta ku Mash-quulsan yahay sidii uu Gobolka uu kasoo jeedo wax badan ugu Qaban Lahaa.

Waxa uu Soo Jeediyay Baashe Maxamed Faarax in xildhibaan kasta uu kasoo xaadiro Fadhiga Si loo ansixiyo Xeerer Badan oo Golaha Horyaal,Xildhibaanada Maq-naada Fadhiyadana waxa uu ku Tilmaamay Guddoomiye Baashe In Xeer hoosaadka Golaha Lagu qaadi Doono.
sikastaba ahaatee hadalka baashe ayaa ku soo beegmaaya wakhti xukuumadu ay xadhigyo kula kacdo xildhibaanada qaranka iyada oo ay hadana qaar ku jiraan xabsiyada dalka.

Mustafe axmed (herer)

GobanimoNews/Office

Hargaysa/Somaliland

Herersax@gmail.com

Wasiir waran cade oo mar kale soo saaray amaro ku aadan bilicda dalka.

warancadeHargeysa(GNA):- Wasiirka Wasaarada Arimaha Gudaha Somaliland Cali Maxamed Warancade Oo Maanta Shir Jaara’id Ku Qabtay Xafiiskiisa Ayaa Waxaa Uu Sheegay In Sanadka Cusub Ee inoo Bilaabay Awgii Uu Soo Saarayo Awaamiir Cusub Waxana Uu Ugu Horen Uu Sheegay In Faraayo Dhamaan Maayarada Degmooyinka Dalka In AY Ka Shaqeeyaan Isla Markaana AY Xooga Saaran Ilaalinta Iyo Bilcda Degoominka Dalka Waxana Uu Yidhi “hadii aanu nahay wasaarada arimaha gudaha iyo ha’yadaha hoos yimaada ee ay ugu horeyaan dawladaha hoose ee gobalada iyo degmooyinka dalka in aanu halkan maanta uga jeediyo in sanadka cusub 2015 ee inoo bilaamaya aanu xooga saarno laba arimood oo kala ah bilicda iyo quruxinta magaalooyinka dalka.

runtiina nadaafada iyo bilicdu waxa ay ka mid yahiin wax-yaabaha lagu qiimeeyo bulshooyinka caalamka ku nool waxaana ay ku turjuntaa marka ay dadku ku nool yahiin meelo nadaafadeedu sareyso bulshadaas kartidooda markaas waxaan halkan saaka ka soo saarayaa wareegto isla markaana aan u baahiyo yada oo qoraal ah iyo iyada oo af ahba dhamaan dhaamaan gobalada dalka iyo maayarada degmoyyinka isla markaana uu sanadkani uu noqdo mid aynu xooga saarno xaga nadaafda iyo bilicda gobalada dalkeena oo dhan” Ayuu Yidhi

Sidoo kale wasiirka oo hadalkiisa sii wata ayaa ku sii daray “ waxaan sidoo kale aan ku amrayaa dhamaan dawladaha hoose ee dalka in la fuliyo hawashii hore ee aheyd in qof waliba gurigiisa hortiisa uu dhigo mar-markii isla markaana ay nadiifiyaan isla markaana nin waliba uu xaadho gurigiisa hortiisa sidoo kalna dawlada hoose ay yaduna dhinaceeda xaadho si ay magaaladeenu u noqto mid nadaafadeedi aad u sareyso .

Wasiirka Arimaha Gudaha Cali Maxamed Waran Cade Waxaa Sidoo Kale Uu Ka Halday Baaburta Ku Soo Badaneysa Magaalda Hargaysa Iyo Mashquulka Dhinca Samxada Ah Ee AY Sababeen Waxaana Uu Yidhi “magaladeena waxaa ku soo batay gadiidka wax-yaabo badan ayaa noqday mid adag isla markaana kaliftay in aan leysku socon karin oo qofkii shaqo ku deg degaayey ama caruurtii schoolda la geenayey ay dhibaato badan kala kulmeen sidaas tarteed waxaanu amar ku bixineynaa in labada wado ee ay mid tahay ta hor marta madaxtooyada ee labada dhinac ba loo socdo in dhinac uun loo socon doono oo dhinca qorax u dhaca ay baabuurtu u socon doonan waxii todobaadkan ka danbeeya dawlada hoose iyo ciidamada wadooyinku ay ka gudan doonan wajibaadkooda.

Baabuurta u socota dhinac magaalada ama qorax ka soo baxa waxaa ay mari doonan oo ay isticmaali doonan wadada xaga danbe ka marta cisbitaalka weyn ee magaalada hargaysa labaadsi wadana waxaa ay ku kulmi doonana laba meelood oo ah hotel guuled oo dhinca galbeed ah iyo kaalinta ina galan oo dhinca bari ah markaasi labadaasi wado waxaa ay noqon doonan in wado waliba ay midna qorax u dhaca u socta midna qorax ka soo baxa u socota

Sidaas tarteed aniga oo tixraacaya xeerka wadooyinka ee xeer56/2013 qodabkiisa kowaad waxaan leeyahay sidaasa ayuu u fuli doonan oo waxaa fulin doona haa’yadaha ku shuqul leh waxaanan halkan mar labaad aan baaq ugu dirayaa in maayarada dalku ay si deg deg ah u fuliyaan “ ayuu yidhi

Ugu danbeetii waxaa uu wasiir Cali Waran Cade uu ka hadlay xukunada ay maxkamadaha dalku gadheen sanadkan iminka malinkisii ugu danbeeyey lagu jiro Waxana Uu Sheegay In Xukunadaas Fulintooda Sanadkan La Bilaabi Dooni “ dagaalkaasi waa dagaal balaadhan alleh ha inaga hayee wax walba way keeni kartaa dadkasina waxaa ay u baahan yahiin farsamo kasta oo ay la yimaadana in aynu ka hor tagano markaasi waxaan ku boorinyaa way bilaamaysaa sanadka cusub ayaanu bilaabaynaa waayo waxaa weeye waa in xaqii iyo xukunkii dadka lagu riday waa in aanu fulinaa “ ayuu ku soo koobay hadalkisii.
isku soo wada xoodoo hadalka wasiir waran cade ayaa ku soo beegmaaya xili aanay waxbadani ka fulin amaawiirtii hore ee bilicda magaalooyinka.
Mustafe axmed(Herer)

Gobanimonews/Hargaysa Office
somaliland
Herersax@gmail.com

Daryeelka caafimaadka Dr: John Luis iyo xanuunka dhiig karka. Qaybta 2aad

i1631Daryeelka caafimaadka Dr: John Luis iyo Qaybta 2aad waxa aynu kusoo qaadan doonaa xanuunka dhiig karka ama cadaadiska wareegga dhiigga!



31.December.2015 ( GNA) -Xanuunka dhiig karku waa cadaadis ku yimaada shaqaynta xagga dhiiga waxaana u sabab ah cusbo iyo tufan badan oo ku samaysma xididadda dhiiga. Waana xanuun dhaawici kara halbowlayaasha keenikarana ” faalig” iyo wadna xanuun iyo daal fara badan.



 



Waxaa lagaga hortegi karaa si fudud arimahan soo socda:-




  • Isticmaalka cusbadda oo la yareeyo


  • Socodka oo la badsato ama sportiga


  • Cabidda sigaarka oo la joojiyo


  • Cayilka oo la iska ilaalsho ( dufanka badan )


  • In aad iska yaraysid fikirka badan (Stress)


  • Cabidda biyaha oo iyana muhiim u ah ugu yaraan 2ltr maalintii




Medinet_tulokset_verenpaineHadii isbadal intaa ku iman waayo waa inaad daawadda isticmaashaa xagga dhiig karka ah si joogto ah.



Cabirka dhiigu hadii uu ka hooseeyo  130/85mmHg, waa sida ugu fiican.  Marka uu gaadho 130-139/85-90 mmHg waxaad u baahantahay is ilaalin iyo taxadar badan. Marka uu gaadho 140/90mmHg iyo wixii ka badana waxaa uu keeni karaa halis ah in faalig kugu dhaco hadii aad sii dhayalsatid.



Xanuunkan waa mid inta badan ku yimaada dada 40 jir wixii ka sareeya rag iyo dumarba, waxaana ka mid yahay cuduradda la iska dhaxlo ee xagga tafiirta ama si caadi ahba ugu dhacay.



 




  • Fadlan su´aashaadda nooso raaci waxaa tahay rag ama dumar ah, dada aad jirto, culayskaaga!


  • Wixii su´aalo ah ee ku saabsan daryeelka caafimaadka noogu soo gudbi E-mail editor@gobanimonews.com




La soco qaybaha dambe iyo wixii su´aalo ah jawaabtooda



 



 



GobanimoNews Agency



Helsinki Office