Seddex ciyaaryahan oo Chelsea u ciyaarta Cesar Azpilicueta, Juan Mata iyo Fernando Torres ayaa laga saaray xulka Spain ee uu magaacabay maanta tababare Vicente del Bosque.
Xulka difaacanaya Koobka Adduunka iyo kan Yurub ayaa kulan isreebreebka Koobka Adduunka ah ciyaaraya bisha soo socota, iyagoo wajihi doona Finland jimcaha soo socota ka hor ita aysan u safrin Geneva halkaasoo ay kulan saaxiibtinimo kula ciyaari doonaan xulka Chile.
Tababaraha Blues Jose Mourinho ayaan si joogta ah u isticmaalin seddexdaan ciyaaryahan ee laga soo tagay xagaagan, laakiin tababare Del Bosque ayaa sheegtay in sababta aysan aheyn inaysan ciyaarin balse uu siyaabo kale ku qiimeeyay.
Tababaraha xulka Spain ayaa u soo yeeray labada ciyaaryahan ee khadka dhexe ee Atletico Madrid Mario Suarez iyo Koke, halka daafaca Real Sociedad Inigo Martinez isna uu buuxinayo booska uu ganaax kaga maqan yahay Gerard Pique kulanka isreebreebka adduunka.
Waxaa xulka dhaawac kaga maqan Xabi Alonso iyo Javi Martinez, halka saxiixyada cusub ee Man City Jesus Nevas iyo Alvaro Negredo ay boos ka heleen si la mid ah saaxiibkooda kooxda David Silva.
Xulka Spain Ee La Magacaabay:
Goolhaye: | |
Iker Casillas | Real Madrid |
Victor Valdes | Barcelona |
Pepe Reina | Napoli |
Daafac: | |
Nacho Monreal | Arsenal |
Alvaro Arbeloa | Real Madrid |
Raul Albiol | Napoli |
Sergio Ramos | Real Madrid |
Inigo Martinez | Real Sociedad |
Jordi Alba | Barcelona |
Khad Dhexe | |
Jesus Navas | Manchester City |
Santi Cazorla | Arsenal |
Koke | Atletico madrid |
Sergio Busquets | Barcelona |
Mario Suarez | Atletico Madrid |
Xavi Hernandez | Barcelona |
Andres Iniesta | Barcelona |
David Silva | Manchester City |
Isco | Real Madrid |
Cesc Fabregas | Barcelona |
Weerar: | |
David Villa | Atletico Madrid |
Alvaro Negredo | Manchester City |
Roberto Soldado | Tottenham |
Pedro | Barcelona |