Hargeysa (GNA)8-31-2013-Murashaxa jagada Madaxweynaha Xisbiga Mucaaridka ah ee UCID Md Jamaal Cali Xuseen ayaa Baarlamaanka Somaliland ku canaantay inay xaga danbe marsadeen Xeerkii Maalgashatadda Caalamiga ah u ogalaanlahaa inay dalka ganacsi ka abuuraan taaso sida uu sheegay hadii la helilahaa Xeerkaasi dhalinyarta iyo dalkuba shaqo abuur badan ka hirgalilahaa.
Md Jamaal Cali Xuseen ayaa mar uu ka hadlaayay Xaflad ay todobaadkii hore qabteen ururka Wadaniga ah ee HAFAYOKO sheegay in loo baahan yahay in Xukuumadda Somaliland dabada ka riixdo soo bixitaanka Xeerka Maalgashiga Caalamiga ah u ogolaanaaya inay dalka maalgashi ku samaysan karaan oo mudo aad u dheer golaha Wakiiladda horyaal.waxana uu sido kale sheegay in loo baahan yahay in si dhaqaalaha loo kordhiyo Xukuumaddu la timaado figrad fiican oo dhaqaalahu ku kordhi karo.
Murashaxa jagada Madaxweynaha Xisbiga Mucaaridka ah ee UCID Md Jamaal Cali Xuseen oo arimahaasi ka hadlaayayna waxa uu yidhi“Shaqa abuuristu waata inoogu wanaagsan oo hadii aad eegto maanta waxa Tahriibta joojinka karaa waa dhaqaalaha oo la kordhiyo,waayo dhaqaalaha la kordhinayaana waxa uu ku imankara waa in Figrad fiican uun lala yimaado sidii loo kordhinlahaa,waxa aan ku raacsanahay Wasiirka in dhaqaalahu uu ka iman karo dhaqaalaha madaxa banana ee aanu ka iman Karin uu ka dawliga ah,laakiin waxa looga baahan yahay inay Xukuuumaddu la timaado sidii uu ku hore marilahaa dhaqaalaha madaxabanaani inay la timaado weeyaan oo hawlo badan ayaa inoo yaala oo waxa loo baahan yahay in layska kaashaddo sidii dhaqaalaha loo kobcinlahaa iyado loo dhan yahay dhanka dawladda iyo qaybaha dhaqaalaha madaxa banaaniba”
Jamaal Cali Xuseen oo golaha Baarlamaanka ku dhaliiyay inay la seexdeen Xeerkii Maalgashadayaasha Caalamiga ah u ogolaanlahaa inay dalka ganacsi ka abuuraan waxa uu yidhi “Si dhaqaale loo abuuro waxa loo baahan yahay in la sameeyo Sharciyadii ay ku imanlahaayeen Maalgashadayaasha Caalamiga ahi,waana mid aad u muhiim ah oo imika hadii aad eegto dawladda oo kaliya maahe Barlamaanka laftiisa ayaa loo baahan yahay in uu doorkiisii Ciyaaro,sidii wadanka Shaqo abuuris loogu samaynlahaa oo mararka qaar waxa aad arkaysa in waxyaabo badani inaga dhiman yihiin”
Aqoon yahan Jamaal Cali Xuseen waxa uu intaasi raaciyay“Xeerkii Maalgelintu waa inaga qabyo oo Baarlamaanka ayuu yaala oo dadkii Maalgashadayaasha Caalamiga ahaa marka ay doonayaan inay waxqabtaan waxa ay ku odhanayaan waxa aanu doonaynaa in aanu eegno Xeerkiina Maalgashiga,hadii Xeerkii Maalgalintu qabyo yahay waxa weeyaan sidee Shaqo abuuris loo samaynayaa oo waxa weeyaan mararka qaar inaga lafteenii ayaa lugta iskaga joogsanayna weeyaan oo aad moodo in aynaan u baahnayn in aynu hawlahii hore u wadno,taasina waa hawl baarlamaanka u taala,dawladdana waxa aan ka codsanayaa inay dabada ka riixaan si Xeerkaasi baarlamaanka yaala uu uga soo baxo”
Wariye Mr Hudle
Shabachudle@gmail.com
Gobonimonews@gmail.com/Head office/Hargeysa Somaliland