Jariirada ka soo baxda Madrid ee AS ayaa sheegeysa in Bale uu tagay Spain isagoo maanta duhurtii saacada geeska Afrika marka ay aheyd 2da duhurnimo ka degay garoon gaar loo leeyahay oo ku yaala Malaga.
Waxaana uu halkaas taksi uga qaatay Marbella, meeshaasoo ah meel uu ku sugayo faahfaahinta ugu danbeysaee heshiiska uu ugu biirayo Real Madrid in lagu xaliyo.
Sida ay AS qoreyso Los Blancos ayaa la filayaa inay heshiiska ciyaaryahanka ay ku dhawaaqdo saacadaha soo socda.
Bale ayaa diyaarad qaas ah u qaatay koonfurta Spain, waxaana la fahamsan yahay in socdaalkiisa ay kula wehliyaan qoyskiisa iyo wakiilkiisa.
Tagitaanka uu Spain tagay 24 jirkaan ayaa waxa ay soo baxeysaa xilli macalinka Tottenham Andre Villas-Boas uu qirtay inuusan fileynin in Bale uu ciyaaro kulanka berri ay White Hart Lane ku soo dhaweynayaan kooxda Swansea City.
Ciyaaryahanka ayaysan u aheyn markii ugu horeysay ee uu tago magaalada Marbella, halkaasoo tiro ka badan hal jeer lagu arkay.
Duulimaadkiisa xiga waxaa la filayaa inuu noqdo Madrid, iyadoo Santiago Bernabeu lagu sii diyaariyay masrixii lagu soo bandhigi lahaa.