Hargeysa(GNA)-Gudoomiyaha golaha wakiilada Somaliland ayaa sheegay inaan wax dood ahi ka taagnayn labada xil e uu isku hayo ee Gudoomiyaha Wakiiladda iyo Xisbiga Waddani.
Gudoomiye Cirro oo Maanta la hadlay BBC-da ayaa sidoo kale faah faahin ka b ixiyey xidhiidhka ka dhaxeeya xisbiga Kulmiye ee muxaafidka ah, waxaanu sheegay in xisbigaasi iyo xukuumadiisa ka dhaxayo xidhiidh wada shaqayneeda .
waxaanu yidhi “arinta labada xil ee aan isku hayo maaha mid hada taagan oo waa laga wada war qabay, waxaana jirtay in xildhibaano ka mida golaha wakiiladu ay soo hadal qaadeen arinta la xidhiidha labada xi lee aan isku hayo balse waxaanu isla af garanay inaanay labada xi lee aan hayaa u oolin golaha balse golaha wakiiladu uu ka hadlo arimaha hor yaala wakhti xaadirkan, xisbiga Kulmiye iyo xukuumadana wax naga dhaxeeyaa ma jirto oo aan ahayn wada shaqayntayada” ayuu yidhi gudoomiyaha Cirro.
Sidoo kale guddoomiyaha golaha wakiilada Somaliland waxa uu carabka ku dhuftay in qodobada lagaga hadlay shirkii albaabadu u xidhnaayeen ee sadexdii maalmood ee u danbeeyey ka socday xarunta golaha lagaga hadlay sidii dhalinyarada loogu abuuri lahaa shaqooyin isla markaana looga hor tagi lahaa tahriibka waxaanu yidhi “golaha wakiiladu waxa si aada uga dooday in shirkaduhu sameeyaan mashaariic shaqo abuur ah si dhalinyarada uga fogaato tahriibka, xukuumada iyo shacbiguna la dagaalamaan shabakadaha dhalinyarada tahriibiya, mudanayaasha goluhuna waxa uu isla af gartay inuu shaqo abuurka is barbar taago”. Ayuu yidhi gudoomiyaha golaha wakiilada Somaliland.
Warkan ka soo baxay Guddoomiyaha Golaha wakiiladda Somaliland Mudane Cirro, ayaa daba socda hadal hayn maalmahan laysla dhexmarayay oo sheegaysay in Mudaneyaal Golaha wakiiladda ka tirsan ,kana mid ah xisbiga kulmiye ku hawlanyihiin in Mooshin ka dhan ah ay wadaan.
Mooshinkaasoo la filayay in lagu soo qaado kana dhex muuqdo natiijada kulamo saddex maalmood socday oo Goluhu albaabada isu xidhay, ayaa qodobada laga soo saaray waxa qaarkood laga dhadhsanyayaa in waxoogaa caddaadis ah la saaray Shir-guddoonka golaha, waxaana ku jira qodob odhanaya waa in la tayeeyo Maamulka Golaha.
Waana qodobka Tafsiirka u baahan ee ka soo baxay kulamadii xanqarsiga ku dhamaaday.
Gobanimonews
Hargeysa Office
Email: editor@gobanimonews.com