Daraasad cusub oo dhawaan soo baxday laguna sameeyay dalka ingiriiska
ayaa lagu sheegay in dhibaato xoog leh ay ka dhex jirto lamaanayaasha is
qaba ee guud ahaan yurub ku nool, ha noqdaan kuwa u dhashay ama kuwa soo
galooti ah.
Dhibkaan oo baaxadiisa laga dareemo dhamaan yurub ayaana la sheegay in
40% qoysaska Yurub ee isku cusub ay ka siman yihiin mushkiladaan soo noq
noqotay.
Dhibka iyo dagaalka lamaanaha ayaa daraasada lagu sheegay in xowligiisu
uu bilowdo marka haweeneydu ay dhasho cunuga koowaad, taasoo sababta
isku dhac joogta ah iyo dood aan dhamaan dagaalkuna uusan ka marneyn.
Sababaha ugu weyn oo la isugu dhaco ayey daraasadani tibaaxday inay
tahay waalidiintan oo ku cusub waayaha waalidnimada isla markaana aan ka
heysa wax qibrad ah, arinta koowaad ee dagaalka iyo khilaafka dhalisa
ayaana ah sida cunuga yar looga bedeli lahaa xafaayada kaadida iyo
saxarada looga ilaaliyo.
Aaabayaasha ayey daraasadu sheegtay inay ka faanaan amaba ay dhibsadaan
bedelista xafaayada, halka hooyooyinku ay ku cadaadiyaan ayagoo dhahaya:
ma aniga unbaa dhalay cunuga oo mar walba saxarada in aan ka meyro/dhaqo
waajib tahay?
Tani ayaana ugu danbeyn keenta dood iyo buuq la sheegay inuu maalin
kasto taagan yahay.
Ugu danbeyna daraasadan ayaa si weyn u taabaneysa qowmiyada Soomaalida
ee qurbaha ku nool, ayadoo aad moodo in daraasadan lagu saleeyay wadciga
saxda ah ee ka dhex taagan Soomaalida guurkoodu isku cusub yahay,
kuwaasoo aalaaba khilaafkoodu ka bilowdo sida loo heyn lahaa caruurta
dhalata, iyo waliba sida loo qeybsan lahaa qarashka lagu helo caruurta
waa hadii ay yihiin waalidiin ceyr qaata.