Ciyaaryahanka khadka dhexe ee Chelsea Frank Lampard ay ku baaqay in dib looga fekero waqtiga la ciyaarayo horyaalka Premier League marka ay soo dhawdahay kulamada Champions League, waxaana uu jeclaan lahaa inay helaan taageero la mid ah mida loo muujiyo kooxaha kale ee Yurub.
KooxdA Jose Mourinho ee Chelsea oo hogaanka u heysa Premier League ayaa isku diyaarineysa kulanka West London Derby ee Fulham berrito, kaliya 72 saacadood ka dib markii ay barbaro 1-1 la galeen Galatasaray kulankii ka dhacay Istanbul.
Waxaana nasasiino la’aanta heysata Blues uu aaminsan yahay Lampard in Premier League ay tahay inuu raaco nidaamka horyaalada kale ee Yurub kuwaasoo dhaqaajiya kulamada horyaalka si ay ugu oglaadaan kooxaha Champions League ka qeybgala waqti ay ku nastaan oo ay ku soo kabsadaan.
“Ma ahan wax fiican nidaamka hadda” ayuu yiri Lampard sida ay qortay Daily Mail.
“Ma fileyno in wax axsaan ah oo na loo sameeyo, waana ognahay inaanan heleynin. Waxaan dooneyno waa nasasiino iyo inaan diyaargarowno.
“Ma aqaano Premier League laakiin wadamada kale waxa ay u muuqdaan kuwa ilaaliya kooxahooda u matalaya Champions League. Ma hubo inaan halkaan ku helno taas.”