Aamina Waris oo Gabiley iyo deegaanka Kala-baydh Khudbad Beer laxawsi siyaasaddeeda u jeedisay.dhegeyso
Gabiley(GNA)-Marwada Madaxweynaha Somaliland Aamina Waris Sheikh Maxamuud Jirde, ayaa Maanta dhagax dhigtay dhismaha Cisbitaal Marwada Madaxweynaha Djabouti ka dhisayso Degmada kala-baydh ee Gobolka Gabiley.
Khadra Maxamuud Xayd ayaa Cisbitaalka ugu deeqday Deegaanka kala-baydh oo ay ku dhalatay, waxaanu wax tar wayn u noqoyaa Bulshada deegaanka oo aan haysan xarumo caafimaad oo ku filan.
Wefti ay hogaaminayso Aamina Sheekh Maxamed Jirde oo ay xubno ka yihiin Wasiirka Wasaarada Caafimaadka Saleebaan Ciise Axmed (Xagla-toosiye), Wasiirka Wasaaradda Waxbarashada, Samsam Cabdi Aadan, Maareeyaha Samafalka, Amina Maxamuud Diiriye Wasiirkii Hore ee Kalluumaysiga Cabdilaahi Jaamac Cismaan Geeljire ayaa maanta deegaankaasi booqday si ay ugu dhawaaqaan bilowga Mashruucan.
Aamina Sheikh Maxamuud Jirde oo la hadlaysay dadweyne tiro badan oo saaka loo abaabulay soo dhaweynta weftiga xukuumadda, ayaa sheegtay inay Kala-baydh ka mid tahay Deegaamada xukuumadda Siilaanyo Kalsoonida badan ka heshay xiligii Ololaha Doorashada.
Dhinaca kale, waxay halkaasi hadal mahad naq ah uga dirtay Haweenayda dhigeeda ah ee dalka Djabouti Khadra Maxamuud Xayd “Marwada qaranka Djabouti waxaan u dirayaa mahad naq,waxaanan uga mahad celinayaa Cisbitaalka iyo deeqda kale ee ay ugu deeqday Degmada Kala baydh ee ay ku dhalatay”ayay tidhi Aamina Waris.
Sidoo kale waxay sheegtay “Annaga reer Gabiley cid na soo dhex geli kartaa ma jirto waa Gobol guusha xukuumadda qayb weyn ku leh”ayay hadalkeeda raacisay iyadoo ka fal celinaysa dhaqdhaqaaqyo dhawaan Mucaaridku Gobolka ka waday oo ay xukuumaddu ku guul-daraystay docwareen ay isku dayday.
Halkan ka dhegeyso:
[audio mp3="http://www.gobanimonews.com/wp-content/uploads/Aamina-waris-iyo-Gabiley-.mp3"][/audio]