Borama(GNA): Naadiga aaya reeb oo kamid ah naadiyada ka jira magaalada borama ee xarunta gobalka awdal ayaa mudooyinkii ugu danbeeyay ka bilaabay barnaamijyo taxane ah dhamaan dugsiyada sare ee magaalada borama ee xarunta gobalka awdal kaasi oo ku salaysnaa ujeedadiisuna ahayd baraarujinta iyo dhiiri galint dhalinyarada waxka barata dugsiyada sare sidii ay u noqon lahayeen dad wax qora oo hal abuur sameeya taasi oo ah u jeedada ugu wayn nee dhidibada loogu taagay Naadigani
Hadaba maalintii shalay ahayd ayuu naadigu booqasho ku tagay dugsiga sare ee al nour secondary school halkaasi oo ay si wayn ugu soo dhaweeyeen. Maamulka.macalimiinta iyo dhamaan ardayda wax ka barata dugsiga al nour
Xafladaasi oo ahayd mid sidii ugu heersaraysay loosoo agasimay ayaa waxa soo qaban qaabiyay nadiga aaya reeb
Munaasibadani oo uu gundhigeedu aha baraarujinta iyo dhiiri galinta ardayda wax ka barata dugsiga sare ee al nour ayaa ugu horayna waxa ka hadlay gudoomiyaha naadigani aaya reeb axmed cabdi ibraahim
{Axmed sky} waxana uu si qoto dheer uga waramay habka wax loo qoro iyo sida ugu fudud ee loo noqon karo qoraa.
Isra nuur xuseen oo ah g/ku xigenka naadiga oo madashaasi hadal ka jeedisay ayaa waxa ay ka warantay u jedooyinka loo aasaasay naadiga aaya reeb iyo waxyabihii u qabsoomay mudadii uu jiray waxa ayna xustay in naadigu mudadii uu jiray u soo bandhigay shan buug oo kala ah. Sirmaan, jacayl iyo xarakadii, suugaani ma sal guuro, enjoy your life iyo hal abuur ma noolyahay iyadoo sidoo kale carabka ku dhufatay bandhigyo kala duwan oo uu qabtay nadigu mudadii uu dhisnaa.
xamse xasan maydhane oo ah af hayeenka nadiga oo munaasibadaasi ka hadlay ayaa si aada ulafa guray tariikhda iyo wakhtigii la aasaasay kana waramay marxaadihii kala duwaanaa ee uu soo maray iyo waxyaabaha uu hiigsanayo mustaqbalka naadigu
ugudanbaydii waxaa barnaamijkaasi soo gunaanaday c/ramaan muuse camuudi oo ah maamulaha dugsiga sare ee al nour oo si wayn u amaanay naadiga iyo hawsha wanagsan ee ay wadaan kuna dhiiri galiyay inay sii wadaan barnamijkaasi ay ka bilabeen dhamaan dugsiyada sare ee magaalada borama.
Kadib marki lasoo afmearay munaasibadaasi aya wax ay nadigu goobtaasi ku gudoonsiiyeen mamulka dugsiga 2buug oo ay ugu talo galeen kuwaasi oo kala ahaa sirmaan iyo hal abuur ma noolyahay.
Isku soo wada duuboo waa markii ugu horaysay ee uu naadigani aaya reeb uu barnaamij noocan oo kale ah ka bilaabo gudaha magaalada borama taasi oo noqonaysa mid ku dayasho ugu mudan naadiyada kale ee ka jira magaalada kuna magacaaban u adeegida bulshada.
Mustafe caraale
Gobanimo news
Borama-Somaliland
