Muqdisho(GNA)-Saddex Askari oo ka mida Ciidanka AMSOM ayaa ku dhintay Wabiga Janaale ee Gobolka Shabeelaha dhexe, ka dib markii Gaadhi uu kala dhacay Buundo wabiga ka gudubta Deegaanka Janaale.
Afar askari oo kale ayaa la sheegay in iyagoo dhaawac ah laga soo saaray Webiga, sida uu sheegay Guddoomiyaha Degmada Janaale.
“Waxaa ku dhintay oo meydkooda webiga laga soo saaray sadex ka mid ah askarta AMISOM, afar kalena iyagoo dhaawac ah ayaa laga soo saaray webiga, dayuurad Helicobter ah ayaana Muqdisho u duulisay” ayuu yiri gudoomiyaha oo Warbaahinta la hadlay.
Gaadhigii ay wateen Askartu ayaan wali laga soo saarin webiga, waana shilkii ugu horeeyay ee noociisa ah ee Askarta AMISOM kala kulanto Gobolka.