Hargeysa(GNA)-Telefishanka afka Dawladda ku hadla ee SLNTV, ayaa qaybtiisa warka lagu soo daray qayb cusub Luuqada Carabiga ku baxaya.
Ka sekow Luuqada Somaliga, waxa hore Telefishanka uga bixi jiray war ku baxa afka Ingiriisiga, kaasoo sanadkii hore lagu soo kordhiyay.
Luuqada Carabiga ayaa ah ta labaad ee adduunka dhinaca xidhiidhka dadka, laakiinse waa luuqad ay bartaan dhamaan dadka Muslimiinta ah ee dunidu, Qur’aanka iyo Axaadiistuna ku soo baxdo, waana luuqad da’ ahaan guun ah oo xadaarado badan soo jirtay.
Labadii habeen ee ugu dambeeyay ayaa Telefishanku Daawadeyaashiis u soo gudbiyay war lagu akhriyayo luuqadaasi, taasoo ah markii ugu horaysay ee la arko Telefishan Somaali ku warama oo luuqadaas war ku sheega wixii ka dambeeyay bur-burkii Somaaliya.
Ma jiro wax war ah oo ka soo baxay Maamulka Telefishanka oo lagu faahfaahiyay qaybtan cusub ee lagu soo kordhiyay TV-ga, hase ahaatee waxay ahayd talaabo bulshadu ku baraarugtay intii la soo kordhiyay.
Luuqada Carabiga ayaa warar ku hadlaa ay hore uga bixi jireen Ideecadda Dawladda iyo Wargeyska Dawan ee dawladdu maamusho.
Gobanimonews
Hargeysa Office
Email: editor@gobanimonews.com