Ciyaaryahanka khadka dhexe ee Real Madrid Kaka ayaa aaminsan in Gareth Bale lagu soo dhaweyn doono kooxda hadii ay Los Blancos xagaagan ku guuleysato inay kala soo wareegto Tottenham.
Real Madrid ayaa isku dayaysa inay ku qanciso kooxda Spurs inay lacag 90 milyan ginni ah siistaan xiddigooda Gareth Bale, iyadoo tababare Carlo Ancelotti uu xalay xaqiijiyay in wadahadalo ay socdaan.
Ka dib Iker Casillas iyo Sergio Ramos, Kaka ayaa noqday ciyaaryahankii ugu danbeeyay ee Real Madrid ee amaana 24 jirkaan.
“Waa ciyaaryahan aad iyo aad u fiican” ayuu Kaka u sheegay Sky Sports News.
“Hadii uu yimaado Madrid waa la soo dhaweyn doonaa.
“Waa ciyaaryahan cajaa’ib leh, farsamo iyo taatiko intaba leh. Waan ku faraxsanaan doonaa hadii uu yimaado.”