Taageerayaashii Wasiir Samaale ee Kulmiye oo u digo-rogtay Xisbiga Waddani..Hoos ka daawo Sawirro
Hargeysa (GNA)-Xisbiga mucaaridka ah ee wadani ayaa maanta xaflad soo dhaween ah u samyeey tageerayaal ku soo biiray.
Taageerayaashan ayaa hore uga tirsanaa Xisbiga Talada haya ee Kulmiye, waxaana hogaaminayay xubno udub-dhexaadka Kulmiye ka tirsanaa.
Xafaldan oo ka dhacaday hotel maansoor ee magalada hargeisa waxa ka qayb galay gudoomiyaha xisbiga mucaaridka ah ee wadani C/raxmaan Maxamed Cabdilahi (ciro) iyo xubno tiro badan oo ka mid ah Madaxda Xisbiga.
“Siyaasadda Waddani waxay u taagan tahay inuu dalka ka saaro Dawlad ninkaliya ah iyo Dawlad Madaxtooyo kaliya ah”sidaas waxa sheegay xoghayah arrimaha qorsheenta xisbiga waddani Cabdirashiid Riyo Raac oo halkaa ka hadlay
Waxaanu intaas ku daray “rag wax uu walaalw ku dhaamo waa lawaayey markaa waxaan leeyahya kalagarqaata”ayuu yidhi.
Mukhtaar Warsame Mire oo hogaaminayay Taageerayaashan, kana tirsanaa xisbiga khilaafku hadheeyey Kulmiye ayaa halkaa ka hadlay waxaanu ka waramay sababta ku keliftay inay Kulmiye ku biiraan.
“markii aanu eegnay af gaabinida iyo anshax wanaagga Gudoomiyaha xisbiga Waddani ayaanu go’aannsanay inyar ayaan doonayaa inaan u dhaadhaco xisbiga Kulmiye waxaana u habnoon inay si dagdega ah isku casilaan5 sano oo dambe iskaba daayoo haday taagan tahay inay ku habnoon tahay inay meesha baneeyaan oo ay is casilaan”
Daa’uud Xuseen Jaamac [Foodcade] oo ka mid ahaa Masuuliyiinta kale ee garabkan Waddani ku soo biiray oo hadlay ayaa sheegay “anigu makhraati baan ka ahay oo xisbiga Kulmiye isagaa igu wacan waana ayaan darro inuu Kulmiye yahay hogaan qaloocday” ayuu yidhi Mr Foodcade “taageerayaashayda halkaa soo fadhiya waxaan ku qancinayaa inaan niqon doono nin xagooda iyo xagga umadda kaleba u xaglindoona"ayuu yidhi Mr Foodcade.
"tii oo uu nin ba doonayo inuu ninka kale khayaameeyo ayaa lala kala jeedsaday waxa Kulmiye dhexyaalaan waa digadaa iyo dambaskii ay labadaa nin la kalajeedsadeen”
Xildhinbaan Rayte oo Ka mid ah xildhibnaada golaha wakiilada somaliland ayaa isna ka waramay sooyaalkii ay soo martay soo dhaweynta Taageerayaashan, isagoo dhinaca kalena dhaliilo kala duwan u soo jeediyay xukuumadda talada haysa.
Xildhibaanka ayaa yidhi “waxaan maanta aad ugu faraxsanahay inaan halkan ku soo dhaweeyo taageerayaal farabadan oo ku soo biiray xisbiga Waddani ee waxaad ku soo biirteen xisbigii dimoqoraadiyadda,xibiga Waddani.
waxaanu sheegay inaanay rabin inay maanta xafladoodan kaga hadlaan khilaafaadka kulmiuye balse ay ku qasabtay inay ka aamusi kariwaayeen ceebta meesha taala “aduunyada way ka jiraan fikrado kaladuwan oo hadana halxisbi dhexdiisa ah xisbiga Kulmiye waxa uu necebyahay sharciga waa tan 1aad hadaad is tidhaado sharciga ka hadlana budhkaa ku saaran oo sababtii aan uga soo baxay 2aad waa qabyaaladda xisbiyadana waxaan u samaysaay inaan reeraha iyo qabiilka kaga baxno qabyaaladaasina waa waxay bulshadeenu ku qabsantahay halka ay umadaha kale ku qaybsan yihiin diimaha ay kala aaminsan yihiin iyo luuqada kaladuwan ee ay ku hadlaan sidii aad arkayseen Madaxweyne Siilaanyo waxa uu liiskii golaha dhexe ee Xisbiga Kulmiye ku soo galay isaga oo ah Madaxweynihii qaranka Liiska beeshiisa” ayuu yidhi
“qodobka 3aad waa dimoqoraadiyad la’anta ka jirta xisbiga dhexdiisa taasina waa yaanu tartan jirin oo yaal la tartamin sideebaan ku aamini karaa xukuumadda xisbgeedii sidaa ula dhaqmaysa madoorasho xor iyo xalaal ahbaan ka sugaynaa hogaankii dhawr wiig uun ka hor golihii dhexe ee shirweynihii la doortay meesha waa laga saaray taasina waa sharcidarro marka makaasaan sharciyad iyo dimoqoraadiyad ka sugaynaa”
sidoo kale waxaa uu ka hadlay hadalo dhawaan ka soo yeedhay wasiirka arimaha gudaha somaliland cali waran cade “Cali Waran Cade waxa uu xukuumadda ku eedeeyey inay ka dambeeyaan qaraxyadan iyo waxa dahcaya m iyaanu ogeyn inuu yahay wasiir Kulmiye ah mase wali waxa uu isku haystaa inuu UDUB yahay" .
“RRU-dana waa in masuuliyadeeda cid lasaaro raggbaa ku dhintay oo nafbaa ku go’day oo caruurbaan waligood ilaawi doonin maskaxdoodana aysan ka baxayn wixii ku dhacay” ayuu yidhi Xill. Rayte.
Doorasho wakhtigeedii ka soo hormarta
Gudoomiyaha Xisbiga Waddani, ahna Guddoomiyaha Golaha Wakiillada Cabdiraxmaan Maxamed Cabdillaahi (Cirro) oo ka hadlay munaasibada xisbigiisu ku soo dhaweeyay Taageeeraal cusub, ayaa sheegay in Khilaafka Kulmiye saameyn ku yeelanayo Doorashooyinka soo socda.
Guddoomiye Cirro ayaa Golaha Guurtida, gaar ahaan Guddida loo saaray dhexdhexaadinta Xisbiga Kulmiye, ugu baaqay inaanay xalka Khilaafka xisbiga ka raadin muddo kordhin loo sameeyo Madaxweynaha, balse laga shaqeeyo sidii dalka looga qaban lahaa doorasho badbaado qaran ah.
“khilaafka xisbiga Kulmiye waxa uu saamayn ku yeelanayaa doorashooyinka soo socda,xidhiidhka waddamada jaarka ah,Golaha guurtidana waxaan ka codsanayaa inaanay dhexdhexaadintooda dawo uga dhigin wax muddo kordhin, layidhaado waxaanu soo jeedinaynaa in doorashada wakhtigeedii laga soo hormariyo si dalka loo badbaadiyo taas oo ah xalka kaliya ee meesha yaala”ayuu yidhi.
Cirro ayaa isagoo hadalkiisa sii wata yidhi “Kulmiye markii hore taageero farabadan buu helay balse hadda waxaa soo baxay midabkiisii dhabta ahaa nin maalintii oo dhan makhaayadda fadhiya oo suuqyada maraya yaa habeenkii saqda dhexe gurigiisa loogu dhacayaa maxaa keenaya sababtaas? “qoladayada mucaaradka ahi waxaanu ka sii baqaynaa waxa dhicidoona waayo xildhibaano ayaa la xidh-xidhay tartankii doorashooyinkuna suu soo dhawyahay”
Taageerayaal hore
Xisbiga Waddani ayaa hore Magaalada Burco ugu soo dhaweeyay Taageerayaal ka baxay Xisbiga kulmiye, iyadoo dhinaca kalena dhawr degmo oo Gobolka Togdheer ah oo Kulmiye Taageero miisaan leh ku lahaa haatan waddani laga soo dhaweeyay.
Taageerayaasha Maanta ku biiray ayaa waxay ka soo jeedaan deegaanka Wasiirka Maaliyadda Cabdicasiis Maxamed Samaale ka dhashay, kaasoo Xisbiga kulmiye xubnaha Miisaanka ku leh ka mid ah.
Cabdicasiis Samaale iyo Cabdiraxmaan Cirro oo horey Shir-guddoonka Golaha Wakiillada u ahaa muddo sideed sanadood ah, ayaa dhinaca kalena ah laba xubnood oo aad isugu dhow xaga siyaasadda.
 |  |
 |  |
 |  |
 |  |
 |  |
 |  |
Khaalid Xamdi Maxamed
Gobanimonews
Hargeysa Office