Xidhiidhka Kubada Cagta UEFA ayaa amray in qeyb ka mid ah la xidho Santiago Bernabeu hal kulan, kaddib markii taageerayaasha Real Madrid lagu eedeeyay in fal cusurinimo ah ay sameeyeen intii lagu jiray kulankii 1-0 ay Real uga adkaatay kooxda Bayern Munich 23kii bishii April.
Kooxda hada ku guuleystay Champions League ayaa guul dirqi ah ka gaadhay kooxda ka dhisan Bundesliga kulankii ka dhacay Bernabeu, laakiin waxaa la soo waramiyay in qeyb ka mid ah taageerayasha kooxda Cad-Cadka ay sameeyeen fal cusirnimo ah “Guddiga Anshaxa Uefa waxa uu ganaax hal kulan ah dul-dhigay Real Madrid taasi oo la macno ah in qeyb ka mid ah garoonkooda la xidhi doona, kaddib markii jamaahiirta kooxdan ay sameeyeen fal cusuriyadeed kulankii semi finalka lugtii koowaad oo ay la ciyaareen Bayern Munich.”
Sidaasi waxaa lagu sheegay war ka soo baxay UEFA. Si kastaba, ganaaxan ayaa dhaqangali doona kulanka ugu soo horeeya ee Real Madrid ay gurigeeda ku ciyaari doonto Champions League xilli ciyaareedkan soo aadan.