“Aniga iyo shacbigu toona noqon mayno kuwo Bombo Shaani loogu hanjabo”Daawo…
Hargeysa(GNA)-Madaxweynaha Somaliland Axmed Maxamed Maxamuud Siilaanyo, ayaa ku dhawaaqay inuu Musharax madaxweyne u taaganyahay Xisbiga Kulmiye ee Khilaafku hadheeyey, waxaanu hadalkiisa ahaa mid la wada sugayay.
Madaxweyne Siilaanyo, ayaa sidaasi ku sheegay Cajalad Muuqaal ah oo lagaga soo duubay qasriga Madaxtooyada, kaasoo Xafiiska Afhayeenkiisu warbaahinta u qabiyay, iyadoo lagu sheegayo shir jaraa’id.
Hadalkan ka soo yeedhay ayaa waxa uu si kulul ugu ladhay hanjabaad uu sheegay inaanay isaga iyo shacbigu toona cabsi gelin doonin “waxaan halkan ka caddeynayaa inaanan cidna uga dulqaadan doonin wixii amni daro ah, aniga iyo shacbiguna ma nihin dad shaani lagu qabsi gelin karo”ayuu yidhi Siilaanyo.
Halkan ka Daawo:
Hogaamiye Macangag ah
Madaxweyne Siilaanyo oo hadalkiisa laga dheehanayay macangagnimo siyaasaddeed, hadana isu muujinayay inuu gutay masuuliyad ka saarnayd xalinta khilaafka Xisbigiisa, ayaa yidhi“Waxaa maalmahan soo baxayey khilaaf xisbiga kulmiye dhexdiisa ah, waan kaxumahay manaan filayn wakhtigan, oo waxaan u haystay in aan kala reebay intii is haysay, oo weliba guddi turxaan-bixineed u saaray, taa soo suurta gelisay in shirwaynihii loo soo gebagebeeyo siquruxbadan, waxaana halkaa lagu doortay shirgudoonkii maamulayey shirka, Hogaankii Xisbiga iyadoo layslaqaatay in Golihii dhexe iyo fulintii lagu soo ururiyo shirgudoonka shirka. Waa lagu soo ururiyey waanay soo saareen.
Hadiiba uu soobaxo is-fahmi-waa, waxay ahayd in si hoose loo dhameeyo, hogaanka xisbigu wadafadhiisto, Kaadirka xisbiga loo yeedho,Xildhibaanada la talogeliyo, hadiii taasi dhamayn waayaan xisbigu sharci buuleeyahay dalkuna sharci buu leeyahay. Buuq iyo qaylo toona looma baahnayn”.
Madaxweynahan Macangagnimada Siyaasaddeed muujiyay, ayaa afartii sanadood ee uu talada hayay markii labaad fariin lagaga soo duubay Xafiiskiisa Bulshada kula hadlay, iyadoo aanu ilaa wakhtigaasi qaban shir saxaafadda loo ogolyahay inay wax kaga waydiiyaan xaaladaha waddanka ee siyaasaddeed, dhaqaalaha iyo arrimaha doorashooyinka muddo dhaafay.
Tanina waa habdhaqanka hogaamiyeyaasha keli-taliska ah.
Saleban Cabdi Cali
Gobanimonews
Hargeysa Office
Email: curad1986@hotmail.com