Zlatan Ibrahimovic: PSG Ayaan Ka Door Bidayaa Ballon d’Or.

Zlatan Ibrahimovic ayaa sheegay inuu ka walwalayo inuu koobab la qaado PSG halkii uu ka walwali lahaa inuu ku guuleysto Ballon d’Or.

23ka ciyaaryahan ee u sharaxan abaalmarinta Fifa Ballon d’Or ayaa berrito la baahin doonaa, waxaana la filayaa in Zlatan Ibrahimovic uu qeyb ka ahaan doono liiskaas.

Si kastaba, 32 jirkaan ayaa sheegay in guusha kooxdiisa inay tahay muhiimada koowaad, isagoo u arka abaalmarinada shaqsiga ah wax dheeri ah.

“Waxaan maalin walba u tababartaa si adag si aan natiijo fiican ugu keeno PSG” ayuu xiddiga reer Sweden u sheegay suxufiyiinta.

“Aad ayaan ugu faraxsanahay inaan ka ciyaaro Paris, taas aniga ayaa isku amaanaya.

“Inaa guulo la gaaro kooxdeyda ayaa ii ah Ballon d’Or.

“Riyadeyda ma ahan inaan ku guuleysto abaalmarintaas. Riyadeyda waa inaan koobab la qaado kooxdeyda. Abaalmarinta shaqsiga ah waa kuwa caadiyan dheeri kuu ah.”