(GNA)Sida uu qoray Daily Star naadiyada Arsenal, Liverpool iyo Borussia Dortmund ayaa ku dagaalamaya saxeexa dhaliya kooxda Olympiacos Kostas Mitroglou.
Xidigan caalamiga ah ee reer Greece oo 25 jir ah ayaa dhaliyay 14 gool 14 kula oo uu saftay taasi oo soo jiidatay indhaha kooxaha ugu waa weyn Yurub.
Laakiin marka aad eegto kooxaha isku heysta dhaliyahan Arsenal ayaa ah mid ugu baahi badan taasi oo uu ka xoojin lahaa weerarka dabacsan ee kooxda Macalin Wenger waase hadii uu January lacag badan bixiyo.
Mitroglou ayaa lagu qiyaasaya dhaqaalo gaadhay 7 milyan laakiin dagaalka iyo goolal dhalintiisa ay keeni karta in lacagaha lagu gadi karo saro loo qaado.
Waxa uu goor hore dhaliyay sadaxleey xilli ciyaareedkan isagoo xulkiisa ka caawiyay in ay ciyaar kala bax ah la ciyaaraan Romania Isreeb Reebka Koobka Aduunka.
Laakiin Liverpool iyo Dortmund ayaa iska ku haya Mitroglou sidoo kale waxana ay doonayaa in ay la wareegaan bisha January.
Kooxda Reds ayaa heysata xidigo dhanka weerarka ku wanaagsan xaagan kuwaasi oo kala ah Luis Suarez iyo Daniel Sturridge, waxana aya dooneysaa in midkii daawacma ay booskiisa ku buuxiso.
Kooxda Reer German Dortmund ayaa sidoo kale waxa ay xidigan u rabtaa in ay ku buuxiso weerarkeeda madaama ay ka baqdin qabto in Lewandowski uu ku biiro kooxda ay ficiltamaan ee Bayern Munich