Tababaraha Barcelona Gerardo Martino ayaa shaaca ka qaaday inuusan ka walwalsaneyn Lionel Messi ka dib markii xiddiga reer Argentina uu soo bandhigay qaab ciyaareed hooseeya kulankii ay la ciyaareen Real Madrid sabtidii.
26 jirkaan ayaa ku dhibtoonayay inuu helo qaab ciyaareedkiisa fiican tan iyo markii uu ka soo laabtay dhaawac, waxaana qariyay sabtidii Neymar kulankii ay 2-1 ku badiyeen.
Si kastaba, Martino ayaa sheegay in ninka ay isku wadanka yihiin inuu weli muhim ka yahay Barca xitaa hadii uusan gool dhalinin.
“Kama walwalayo Messi, taasi waa wax ay sameeyaan dad ka baxsan kooxda” ayuu Martino ku sheegay shir jaraa’id.
“Xitaa haddii Lionel uusan gooldhalinin weli muhim ayuu ka yahay kooxda. Haddii dadka ay u maleeyaan in Messi uusan qaab ciyaareed fiican ku jirin markaas qaab ciyaareedkiisa waxa uu noqon doonaa mid adduunyadan ka baxsan marka uu ku soo laabto waxa aad ugu yeertaan meeshiisii ugu fiicneyd.
“Messi ma wuxuu ciyaarayay garabka midig kulankii Madrid? Waxa uu ka ciyaari karaa boosas badan, taasna waa wax u fiican kooxda.”