(GNA)Tababaraha Chelsea Jose Mourinho ayaa aaminsan in waqtiga lagu soo beegay kulanka Capital One Cup ee habeenka salaasada ee ay la leeyihiin Arsenal inay ka beenisay taageerayaasha kulan xamaasad leh oo London derby ah.
Iyada oo Arsenal ay ka badisay kooxda Crystal Palace sabtidii, Chelsea ayaa booqan doonta Emirates Stadium 48 sacadood ka dib markii ay 2-1 xalayto/habeen hore kaga badiyeen Man City.
Waxaana ay taasi keentay in Mourinho uu dareemo in aanu soo xulan karin qaar ka mid ah xddigihiisa kooxda hogaamiya, isagoo soo jeediyay in kulanka wareega 16ka Capital One Cup ay xamaasadii ka luntay sababtaa darteed, isagoo cadhadiisa kala duldhacay dadkii go’aamiyay in kulankaan la ciyaaro salaasa.
“Waxaan soo bandhigi doonaa ciyaarta ay doonayaan dadkii go’aamiyay in salaasada ciyaaro” ayuu yidhi.
“Haddii ay doonayaan kulan weyn, ma siin karno kulan weyn. Haddii ay doonayaan inay ciyaaraan ciyaartoydii caawa [habeen hore] ciyaaray, taas iyadana ma yeeli karno.
“Haddii ay doonayaan in Arsenal ay koob ku guuleysato markaas arintaan ayaa caawinaad u ah. Laakiin haddii ay doonayaan kulan dhexmara labo kooxood oo waa weyn oo London ka dhisan waxa ay aheyd inay ciyaarta ka dhigaan arbacada ee ma aheyn inay ka dhigaan salaasada.