Nadine Kessler ayaa ku guulaysatay abaal marinta xidigada haweenka kubada cagta ee qaarada Yurub ee xili ciyaareedka 2013/14 kagana adkaatay hablaha ay u wada ciyaaraan kooxda VfL Wolfsburg ee kala ah Nilla Fischer iyo Martina Müller.
Kessler oo ka heshay ay u codeeyeen baddi wariyeyaashii codkooda dhiibtay ee doorashada haweenka kubada cagta qaarada Yurub , ayaa abaal marinta ka gudoontay, Madaxweynaha xidhiidhka kubada cagta qaarada Yurub, Michael Platini xafladii caawa fiidkii ka dhacday magaalada Monaco.
Kadib markii farta laga saaray bilada ay hanatay , Nadine Kessler waxa lagu marti qaaday cod baahiyeyaha si ay kalmadeeda u tidhaahdo , waxaanay tidhi sidan: “Shucuur weyn ayay ii samaynaysaa ku guulaysiga abaal marintani, waxaan doonayaa inaan u mahad celiyo ciyaaryahanadii aanu isku kooxda nahay iyo kooxda kooxda ka sii dambeysa ” Tageerayaasha.”