Manchester United Unveil new Signing
Manchester United ayaa warqad u qortay taageerayaasheeda oo ay ku
difaaceyso dhaqdhaqaaqooda suuqa kala iibsiga ee xagaagii, sida ay ku
warmeyso Daily Mirror.
Jamaahiirta ayaa eedeeyay David Moyes iyo madaxda kooxda oo uu ka mid
yahay Ed Woodward madaama ay ku guuldareysteen inay soo xerogeliyaan
ciyaartoydii diirada u saarnaa xagaagii, iyagoo kaliya soo xerogeliyay
Marouane Fellaini oo ay kala soo wareegeen Everton.
Red Devils ayaana haatan u jawaabtay taageerayaashii cabashada u soo
gudbiyay, sida uu afhayeenkooda u sheegay wargeyska Daily Mirror isagoo
yiri:
“Jawaabta waxaa loo diray taageerayaashii warqadaha u soo qoray Ed
Woodward iyo dadkii kale ee kooxda sida tooska ah Email ugu soo diray.
Mas’uuliyad ayaa inaga saaran inaan u jawaabno taageerayaasheena,
madaama axdiga kooxda uu ku qoran yahay in jawaab la bixiyo 15 maalmood
gudaheed oo maalmaha shaqada ah.”
United ayaana warqada ku sheegtay in David Moyes uu qorshe mustaqbalka
dheer ah uu hayo, islamarkaana uu taageero buuxda ka helayo madaxda kooxda.
Waxa ay sidoo kale warqada ku difaaceen Moyes iyo madaxa kooxda Ed Woodward.
Kooxda ayaa sidoo kale sheegtay inay suuqa kala iibsiga ka heshay
xagaagii labadii arimood ee ugu muhimsanaa oo ay aheyd inay ceshteen
Wayne Rooney iyo in ciyaaryahan khadka dhexe lagu soo daray kooxda.