Arsene Wenger ayaa ka warqaba in wax ka badan intii ilaa iyo haatan laga
arkay Mesut Ozil ay ka soo socdaan.
Waxa ay ku qaadatay kaliya 11 daqiiqadood in 24 jirkaan uu soo jiito
dareenka taageerayaashiisa cusub isagoo caawiye ka ahaa goolkii uu
Olivier Giroud dhaliyay kulankii Sunderland.
“Waxa uu u muuqday mid aad ugu raxeysanaya ciyaarta” ayuu Wenger u
sheegay website-ka kooxdiisa.
“Waa ciyaaryahan weyn, wax intaan ka sii badan ayaana ka soo socda
isaga. Ciyaarta ka dib waxa uu ii sheegay inuu ku riyaaqay, laakiin
feker fiican waa uu ka heystaa waxa laga filanayo.
“Waxaan heysanaa ciyaar aasaas u ahaa dhaqdhaqaaq badan, waxaana uu
kubada dhiibaa xilli qof walba diyaar u yahay kubada. Waa sida farsamo
amaan ah, waxaana uu ciyaarta ku soo kordhiyaa qaacido cusub taasoo
xiiso aad ah leh. Baaskiisa ugu danbeeya iyo kubadaha uu dhiibayo waxa
ay qof walba siineysaa waqti uu ku dhaqaaqo.”