Muqdisho(GNA)-Baarlamanka Soomaaliya ayaa codka Kalsoonida u qaaday Xukuumadda Reysal-wasaare Cabdiwali Sheilkh Maxamed goordhweyd.Dood ilaa khamiistii soo socotay oo oo Goluhu ka yeeshay Mooshinka Kalsooni kala noqashada kaddib, saddex meeloodow laba meelood iyo badh ka tirsan Golaha Shacabka ayaa u codeeyay Kalsooni kala noqoshada Xukuumadda iyo Reysal-wasaaraha.
Fadhiga Maanta ee Baarlmanka oo uu shir-guddoominayay Guddoomiye Maxamed Sheikh Cismaan Jawaari, ayaa waxa ka soo qayb galay 235-Xildhibaan.
153 Mudane ayaa u caddeeyey in Kalsoonida lagala noqdo Reysal-wasaaraha iyo Xukuumaddiisa, waxaana diiday oo ka soo horjeestay 80 Xildhibaan.
2 Xildhibaan oo qudha ayaa ka aamusay oo aan dhanna iyagu u coddeyn.-
Guddoomiyaha Golaha Shacabka Maxamed Sheikh Cismaan ayaa Mudaneyaasha uga mahad celiyay sida wanaagsan ee ay howshooda u guteen, waxaanu madaxweynaha ugu baaqay inuu si dhakhso ah u soo magacaabo Reysal-wasaare cusub.
Reysal-wasaare Cabdiwali Sheikh Maxamed Axmed, ayaa la magacaabay bishii December ee Sanadkii horay, waxaana magacaabistiisii laga ansixiyay Golaha Shacabka 21 Bishii December ee 2013.
Waa reysal-wasaarihii labaad ee soo mara dalka tan iyo markii Madaxweyne Xasan Sheikh Xukunka kala wareegay Madaxweynihii hore shariif Sheikh Axmed.
Bishii la soo dhaafay ayaa Khilaaf xooggani soo kala dhex galay Madaxweynaha, kaddibna waxa bilaaabmay Mooshin ka dhan oo Golaha Shacabka loo gudbiyay.
Khilaafka Madaxda Soomalida ayaa ah mid caado noqday oo aan dhamaad lahayn.
Dadka arrimaha Siyaasadda Soomaaliya Tacliiqiya ayaa soo noqnoqoshada Khilaafka Madaxda Soomaalida u sibir-saaraya dhinaca Distuurka. “Khilaafkani waa mid dastuurka ka imanaya, inta uu dastuurka Soomaaliya qabyada yahayna wax horumar ah oo la gaarayaa ma jiro”sidaasi waxa sheegay Cabdiwahaab Sheikh oo barre ka ah Jaamacad ku taalla Magaalada Nairobo, waxna ka qora Arrimaha Geeska Afrika.
Gobanimonews
Muqdisho Office
Email: editor@gobanimonews.com