Hargeysa(GNA)-Shirweynaha Saddexaad ee Xisbiga kulmiye ayaa la soo gabagabeeyay maanta.
Hogaanka Xisbiga oo aan lala tartamin ayaa lagu ansixiyay Shirka maanta.
Sidoo kale todoba xubnood oo lagu Kordhiyay Guddida fulinta ayaa shirka lagu ansixiyey.
Sidoo kale waxa lagu ansixiyay 116 Xubnood oo lagu daray Golaha Dhexe ee Xisbiga.
10 ka mid ah Xubnaha Golaha Dhexe lagu kordhiyay waxa codsaday Madaxweyne Siilaanyo.
Lix kalena waxa watay Madaxweyne ku-xigeenka .
1162 ergay oo lagu soo xulay nidaam beeleed ayaa ka qayb-galay shirka.
Shirguddoon lagu doortay furitaankii shalay ee Shirka, ayaa maanta manjaraha u hayay Shirka.
Asxaabta mucaaridka iyo Indheer garadka Bulshada ayaa shirkan xisbul xaakimka ku tilmaamay mid Shuruucda dalka baalmarsan habka loo xulay ergooyinka iyo qaabka lagu doortay hogaanka.
Khaladdaad badan oo farsamo iyo kuwo Loolan jidh-diid ku lamaanyahay ayaa laga dareemayay madasha shirka labadii maalmood ee la kulmay.
Saleban Cabdi Cali
Gobanimonews
Hargeysa Office
Email: curad1986@hotmail.com