Hargeysa(GNA)-Guddoomiyaha Xisbiga WADDANI Cabdiraxmaan Maxamed Cabdilaahi (Cirro) ayaa magacaabay Xoghayaha Arrimaha gudaha ee Xisbigiisa u magacaabay Mustafe Cabdi Qodax.
Sidoo kale Guddoomiyuhu wuxuu laba xil oo kale u magacaabay laba xubnood oo kale.
Sidaasina waxa lagu sheegay warsaxaafaddeed ka soo baxay xisbiga, kaasoo lagu yidhi sidan
“Xoghayaha Arrimaha Gudaha ayaa waxa loo magacaabay Md. Mustafe Maxamuud Qodax halka Xoghayaha Warshedaha loo magacaabay Md. Cali Cabdilaahi Dagaal oo hore u ahaa Xoghayaha Dhaqanka Iyo Hiddaha.
Xoghayaha Dhaqanka Iyo Hiddaha ayaa waxaa loo gacaabay Md. Cabdi Guuleed Gaboobe iyadoo lataliyaha Gudoomiyaha Ee Maalgashiga Loo magacaabay Md. Axmed Cali Ubaxle oo hore u ahaa Xoghayaha Arrimaha Gudaha.
Ugu dambayn gudoomiyaha ayaa ilaahay uga baryey masuuliyiintan cusub inuu xilkooda ku garabgalo, isla markaasna noqdaan qaar ku guulaysta xilalkaas ay qaadeen.
Mustafe qodax ayaa ka mid ahaa Taageerayaal dhawaan xisbigaasi ku soo biiray, kuwaasoo ka soo digo-rogtay xisbiga Kulmiye.
Musfafe ayaa Muddo saddex sanadood ka badan ahaa Agaasimaha Guud ee Wasaaradda Ciyaaraha ee Xukuumadda Madaxweyne Siilaanyo, taasoo badhtamihii sanadkii hore madaxweyne Siilaanyo ka qaaday.
Halkan ka Akhri Digreetooyinka:
Gobanimonews
Hargeysa Office
Email: editor@gobanimonews.com