Alle ha u naxariistee waxa Magaalada Hargeysa ku Geeriyooday Qoraa, ahaana Suxufi ruug cadaadi ah Maxamed Maxamuud Kastam.
MM kasta wuxuu ka mid ahaa aasaaseyaashii saxaafadda Somaliland, Macalin, Qoraa, xigmadyahan aqoon qoto dheer u leh Qoraalka iyo qaybaha kale ee Warbaahinta.
Marxuumka ayaa u geeriyooday Xannuun ku soo boodo ah.
Alle ha u naxariistee Marxuumku wuxuu ka soo shaqeeyey shaqeeyay warbaahin kala duwan, isagoo ka mid ahaa hawlwaddeennadii aas-aasay saxaafadda Somaliland, gaar ahaan Wargeysyadii Maandeeq, Jamhuuriya, waxa kale oo uu wax badan ku soo kordhiyay Telefiishanka HCTV oo ahaa madaxa barnaamijyada.
MM kasta ayaa ku suntan qoraa Qoraallo caanbaxay oo Soomaliyeed iyo Buugaag fara badan oo uu qoray, kuwaasoo aynu ka xusi karno Buuga Badweynta Nololsha, Bustaanka Fanka iyo kuwo kale oo badan.
Axmed Maxamed Cabdilaahi oo ah Suxufi ka mid ah asxaabta Marxuumka ayaa Gobanimonews u sheegay inuu ahaa shakhsiyad qiimo badan oo aan la soo koobi Karin qofnimadiisa ahaa.
Hada wuxuu ka mid ahaa La-taliyayaasha sar sare ee Wasaaradda Warfaafinta Somaliland, gaar ahaan Telefiishanka Qaranka.
Tafaftiraha Guud ee Gobanimo News Agency Saleban Kalshaale iyo dhamaan Masuuliyiinta iyo hawl-wadeenadu iyagoo ka tiiraanyeysan Geerida Marxuumka waxay ka tacsi u dirayaan ehelkii, qaraabadii, qoyskiisa iyo dhamaan Bulshada Soomaaliyeed ee uu ka baxay Marxuumku.
Waxaanu si gaar ah uga tacsiyadaynaa Bahda Saxaafadda iyo Qoreyaasha Soomaaliyeed, gaar ahaan Somaliland oo uu Marxuumku ka mid ahaa Geedaha ay hadhsato.
Waxaanu ilaahay uga baryaynaa inuu Janada ka waraabiyo, dhamaanteena samir iyo Iimaan inaga siiyo.
INAA LILAAHI WA INAA ILAYHI RAAJUCUUN..
Amiin aamin amin