Hargeysa(GNA)-Maamulka Xawaaladda Juba Express oo ka hadlay Xadhiga Qasnajigii Shirkadda oo xalay RRU-du qabteen iyo hawl-gal xafiiska Shirkadda ka dhacay Maanta.
Maamulaha Shirkadda Xawilaada Lacagaha Muuse Daahir Yuusuf ayaa Gobanimonews uga waramay sida ay Ciidanka RRU-du ku soo galeen xafiiska ugu weyn shirkaddu ay ku leedahay Somaliland.
Masuulkan ayaa xaqiijiyey in Ciidanku xabsiga dhigeen Nin ka mid ahaa Shaqaalaha Shirkadda, gaar ahaan Qasnajigii Laanta Hargeysa, kaasoo xalay Gurigiisa lagu qabtay, xili uu socday hawl-gal dad kale oo badan lagu xidh-xidhay.
Cabdilaahi Sh. Cabdiraxmaan Sh. Cali jowhar oo muddo sanad ka badan uu sheegay inuu xafiiska ka shaqaynayay ayaa Bilaysku u xidheen arrimo tuhun argagixiso la xidhiidha, sida ay Gobanimonews u xaqiijiyeen saraakiisha ammaanku.
Hadaba Maamulaha Xawaalada Jubba Express waxa uu sheegay in Ciidanku Xafiiska Hargeysa keeneen Ninka Qasnajiga ahaa oo ay ka shirkad ahaan dalbadeen in looga wareejiyo fureyaashii Qasnada iyo wixii macluumaad ah ee uu u hayay, si aanay shaqadu u istaagin.
Halkan ka Daawo Waraysi Muuqaal ah: