Madaxweyne Siilaanyo iyo Ururka SOLJA oo Dhambaalo Tacsi ah diraya
Halkan waxaanu akhristeyaal ugu talo galnay dhambaalada Tacsida Geerida Marxuum Maxamed Maxamuud Kastam oo Maanta Geeriyooday.
Hadaba toos u soo dir fariintaada ama email-da hoos kaaga muuqan doona
Madaxweyne Siilaanyo oo Bahda Saxaafadda iyo qoreyaasha ka tacsiyadeeyey Geerida Marxuum MM.Kastam
Madaxweynaha Jamhuuriyada Somaliland, Mudane, Axmed Maxamed Silaanyo, waxa uu tacsi u dirayaa Bahda Saxaafada Somaliland iyo Bahda Qorayaasha, Qoyskii, Eheladii, Qaraabadii, Asxaabtii iyo Shacbiga Somaliland isaga oo ka tacsiyadaynaaya Geerida ku timid ALLE ha u naxariistee Marxuum Maxamed Maxamuud Kastam (M.M KASTAM) oo ku geeriyooday 11.06.2014 Caawa Hargeysa.
Marxuumka oo ka mid ahaa Aas-aasayaashii dhidibada u taagay saxaafada Somaliland, kana mid ahaa dadka fara-ku tiriska ah ee Alle hibada u siiyey Qoraalka mar walbana wax ka qori-jiray hadba wixii taagaan,
Waxa uu ka soo shaqeeyey Wargeys-yada iyo Television-nada Dalka intooda badan wuxuu indhaha u jeexay da’a yarta saxaafada maanta ku shaqaysa intooda badan oo uu tusaale u ahaa.
Madaxweynuhu waxa uu Marxuumka ALLE uga baryayaa inuu naxariistii Janno ka waraabiyo, Bahda Saxaafada, iyo Qorayaasha, Qoyskii, Eheladii, Qaraabadii, Asxaabtii iyo shacbiga reer Somaliland ee uu ka baxayna Samir iyo Imaan Saadiqa ka siiyo.
IN-NAA LILLAAHI WA IN-NAA ILAYHI RAAJICUUN
Axmed Saleebaan Maxamed (Dhuxul)
Af-hayeenka Madaxtooyada JSL.
Ururka Suxufiyiinta Somaliland ee SOLJA
Ururka Suxufiyiinta Somaliland ee SOLJA, iyagoo ku hadlaya Magaca Suxufiyiinta Somaliland, waxay Tacsi Tiiranyo leh u Dirayaan Dhamaan suxufiiyinta Somaliland iyo Haayadaha Warbaahinta, iyo Guud ahaan Bulshada Somaliland Gaar ahaan Qoyskii Iyo Qaraabadii uu Ka Baxay Marxuum MAXAMED MAXAMUUD KASTAM . oo Arbaca 6/11/14 Ku Geeriyood Magaalada Hargeisa wuxuu Ururka SOLJA ilaahay uga Baryayaa in Ilaahay Samir Iyo iiman ka siiyo Eheladii Iyo Asaxaabtii.
Aamin…………………..aamin…………………….aamin
Halkan ku soo dir Tacsiyaha
http://www.gobanimonews.com/maqaal-soo-dir/
ama email: editor@gobanimonews.com /gobanimo2013@gmail.com