in ka badan Saddex kun oo Tabliiqi ayaa kulan Caalami ah uga furmay Hargeysa...
Hargeysa(GNA)-Alle ha naxariistee, waxa Shil-gaadhi oo ka dhacay Xaafadda New Hargeysa agagaarka Masaajidka Tabliqiyiinta ku Geeriyooday Nin ka mid ahaa Culimada Tabliqiyiinta, kaddib markii gaadhi Booyadaha biyaha dhaamiya ahi jiidhay.
Sida ay Gobanimonews u xaqiijiyeen dad goob-joogeyaal ahi, shilkan ayaa dhacay subaxnimadii saaka xili wadadu saxmad ahayd.
Marxuumkan oo aan Magaciisa la aqoonsan, balse magaca aabihii lagu sheegay Maxamed Faarax Caynaanshe, ayaa goob-joogeyaashu sheegeen inuu isla goobta gaadhigu ku jiidhay ku geeriyooday.
Tafaasiil dheeraad ah lagama hayo sababta dhalisay shilkan, hase ahaatee warku wuxuu intaas ku darayaa inay ciidanka Nabad-gelyada waddooyinku goobta soo gaadheen, isla markaana qabteen Gaadhigii shilka geystay.
Kulan Diimeedka Caalami ah ee Tabliiqiyiinta Adduunka
Masaajidka Tabliiqiga, waxa Maalintii shalay ka furmay kulan Diimeed Caalami ah oo ay sanad kasta hal mar yeesheen culimada fidinta Dacwada ee Tabliigu, kaasoo markii saddexaad lagu qabtay Magaalada Hargeysa, kana soo qayb-galeen ku dhawaad saddex kun qof oo isaga kala yimi Caalamka.
Wasiirka Diinta iyo Aw-qaafta Somaliland Sheikh Khaliil Cabdilaahi ayaa shalay gelinkii dambe furay shirkaasi oo socon doona saddex Maalmood. Qaar ka mid ah Culimada ka soo qayb galay ayaa ka yimi Wadamada Pakistan, Eretria, Ethiopia, Somalia, Kenya iyo Hindia.
Waxa lagu lafa guraa arrimo ku saabsan fidinta Diinta Islaamka iyo guulaha laga gaadhay sanadkii tegay iyo waliba qorsheyaasha Mustaqbalka la waajahayo ee ku saabsan Dacwada Islaamka, sida ay sheegeen hormuudka culimada tabqliiqiyiintu.
Wadaaddada Tabliiqiga ayaa qaarad ka qaarad isaga gudba adduunka oo dhan, waxaanay bulshooyinka dunida ee Islaamka ku booriyaan inay ka qayb-qaataan dacwada diinta Islaamka lagu fidinayo.
Gobanimonews
Hargeysa Office
Email: editor@gobanimonews.com