Febrigas Oo Si Rasmi Ah Ugu Biiray Chelsea ……
Arsenal way iska kay indho tirtay… sidaas darteed waxaan Chelsea ugu biiray inaan koobab ku guulaysto, Febrigas ayaa ugu wareegay kooxda The Blues lacag dhan £30m, waxaanu qalinka ku duugay heshiis uu todobaadkiiba ku qaadanayo mushahar dhan £150,000-.
Ciyaaryahanka Cesc Febrigas ayaa si toos ah ugu biiray naadiga caasimada London ka dhisan ee Chelsea maanta, waxaanu sheegay laacibkan hore ee naadiga Arsenal in kooxdiisii hore ay ka dhago adaygtay inay siiso fursad uu dib ugu noqon karo garoonka Emirates Stadium.
Waxaa la xaqiijiyey in Barcelona gacanta laga galiyey lacag dhan £30million, ciyaaryahanka 27 jirka ahina waxa uu saxeexay heshiis 5 sanno uu ku joogayo garoonka Stamford Bridge.
