Xilli adag ayaa Xukuumadda Federalka ka haysta sidii ay isaga difaaci lahaayeen weeraradda iyo qaraxyadda Alshabaab oo iyagu marba xeellad u adeegsada si ay u muujiyaan cudduda ay kala soo horjeedaan Ciiddanka Dowladda Federalka iyo kuwa AMISOM.
Tan iyo sannadkii 2007-dii, dagaalyahannaddda Alshabab waxay kacdoon hubeysan kula jireen Dowladihii KMG iyo Ciiddamadda Ethiopianka ee taageeradda siinayey Dowladii KMG ee uu Madaxweyne ka ahaa Marxuum C/llaahi Yuusuf Axmed.
Dagaalyahannadda Alshabaab waxay qaddiyadooda ku saleeyaan sidii ay Dowlad Islaami oo ku-dhaqanta Shareecadda Islaamka uga hirgelin lahaayeen Dalka Somalia, iyagoo saluugsan hab-dhaqanka Dowladihii isaga kala dambeeyey Talada Dalka.
Alshabaab waxay kasbatay Taageero Caalami, waxaana la sheegaa inay boqolaal Dagaalyahanno shisheeye ku soo biireen tan iyo wixii ka dambeeyey, kadib, markii ay iclaamiyeen Dagaal Jihaad, kuna biireen Urur-weynaha Alqaacida ee Taliskooda Dhexe ku yaallo Buuraleyda Toorobooro ee dalka Afganistan.
Sannadihii colaadeed ee ay Alshabaab meertooyinka dagaalladda kula jireen ciiddanka Dowladda iyo kuwa AMISOM waxay muujiyeen iska caabin mararka qaarkood adeegsada qaraxyo dad rayid ku waxyeellobaan.
xilligan oo ay weli ciiddanka Dowladda iyo kuwa AMISOM dagaallo kula jiraan Alshabaab ayaa waxay xaajaddu u muuqataa inaan dagaalka Jabhadaynta lagu kala bixi karin, inkastoo Alshabaab dib loogala wareegay Degmooyin muhiim ah oo ay ilo-dhaqaale ku haysteen.
Xeeldheerayaasha ayaa rumeysan inay Dowladda Federalka bilowday xeellad ay ku kala furfurayso Xarakadda Alshabaab, iyadoo culayska dagaalladda ku hareer wada xeellad Diplomaasiyadeed, oo ay ku kasbanayso Hoggaamiyayaasha, Taliyayaasha iyo Dagaalyahannadda Alshabaab si ay uga soo goostaan Alshaab.
Dowladdii KMG ee Madaxweyne Sheekh Shariif Sheekh Axmed ayaa dadaal noocaas mar ugu gacan haatisay Madax iyo Taliyayaal ka tiranaa Ururkii Xisbul-islaam iyo Alshabaab, waxaana ku soo biiray Mas’uuliyiin badan oo uu Jeneral Yuusuf INdha-cadde ugu sarreeyey oo isagu si aad ah Madaxwyne Shariif saaxiib soke u noqday, inkastoo markii dambe ay siyaasadda ku kala irdhoobeen.
Dowladda Federalka ayaa u muuqata mid fursado mar-la-hel u godlanayso.
Isa soo dhiibistii Hoggaamiyahii Xisbul-islaam, Sheekh Xasan Daahir Aweys iyo Hoggaamiyihii Alshabbaka Galgala, Sheekh Mohamed Saciid Atom iyo Saraakiishii hoose ee iska soo dhiibay Goballadda Bay iyo Bakool.
Laakiinse, Dowladda ayaa u muuqata mid aan lahayn Istaraatijiyad Cad oo ay ku qancin karto Hoggaamiye kasta oo ku soo biirayo.