Dugsiga Sare Ee Al Irshaad Oo Xaflada Sabootin Ah U Qabtay Ardayda U Fadhiisanaysa Intaxaanka Dugsiyada Sare

Dugsiga Sare ee al irshaad Secondary School ayaa maanta xaflad Sagootin ah u qabtay ardayda Dugsi Sare ee Sanadka U Fadhiisanaysa intaxaankii shahaadiga ah.

Munaasibadan oo ay ku qabteen magaalada hargaysa ayaa waxa kasoo qayb galay maamulayaasha Dugsiyada Al irshaada,Ardayda loo qabtay munaasibadan,agaasimaha iskuulada gaarka loo leeyahay,guddoomiyaha waxbarashada gobolada bari iyo marti sharaf aad u badan.

Macalimiinta iyo maamulayaasha ayaa ardayda u fadhiisanaysa intaxaanka shahaadiga ah kula dardaarmay in iskuulka usoo hoyaan magac isla markaas Galaan Tariikh Lagu Xasuusto oo jiilka ka danbeeya u noqota meel ay hiigsadaan.

/>

Munaasibada oo si heer sare ah loo soo agaasimaya ayaa ugu horeyna waxa kalmado kooba kaga waramay maraaxilkii kala duwanaa ee uu soo maray dugsigu maamulaka Dugsiga sare ee al irshaad Secondary School waxaana uu yidhi”

“Runtii waxa weeyaan maalin aynu sii sagootiyayno galaaskii 4aad ee ugu horeeyay Dugsiga Sare ee Al irshaad Secondary School,Dugsiga waxaana la asaasay 2011 bishii 7aad waxaana dugsiga dhisay hay’adda Dhaaragti aydh,waxaana ay haayadu runtii kaalin laxaadle ka qaadatay dhismaha Dugsiga,waxaana ay tababaro haayadu siisaa macalimiinta dhigta dugsiga Al Irshaad,Dugsiga aynu maanta joogno waxa albaabada loo furay bishii 8aad ee 2011,ardayda dhigata waxa ay u dhaxaysaa 700 ilaa 800 oo arday kuwaas oo iskugu jira wiilal iyo gabdho,Dugsiga waxa uu ka kooban yahay 12 galaas oo ah lix sare iyo lix hoose.

Maamulaha Dugsiga Sare Ee Al irshaad Secondary School oo hadalkiisa sii wata ayaa waxa uu intaasi ku daray ardaydana kula dardaarmay in ay ka waan toobaan aafada Tahriibka waxaana uu yidhi”

“Waxaan maanta idin kula Dardaarmayaa Dhamaan Ardaydaas u diyaar garoobaysa in ay u fadhiistaan intaxaankii galas 4aad inaad muujisaan isku duubnaan,isla markaas aad ku dadashaan inaad kaalmaha hore ka gashaan intaxaanka,anagana magac ayaad noo soo jiidaysaan iskuulkana magaca ayaa usoo jiidaysaan.

Dhinac kale waxa isna munaasibada ka hadlay arday ku hadlayay magac ardayda loo qabtay xafalada lagu sagootinayo galas 4aad ee dugsiga sare ee al irshaad Secondary School Ridawaan Xuseen Cali waxaana uu yidhi”

“Hortu waxaanu nahay Laba Galaas  oo ka qalin jabinay Dugsiga Sare Ee Al irshaad Waxaanan Rajaynayaa inuu ilaahay intaxaankaas nagu guuleeyo si aanu u gaadhno himilada iyo hadafka aanu hiigsanayno,waxaan balan qaadaynaa inaanu  hadii eebe nala garab galo guul wanaagsan oo ka farxisa macalimiinta iyo maamulka iskuulkaba aanu soo hoyn Doono,waxaana leenahay waan ka digtonaan doonaa aafada tahriibka.

Gudoomiyaha Waxbarashada Gobolada Bari Ismaaciil Faarax waxaana uu ardayda ku gubaabiyay in gacanta is qabsadaan isla markaas waxbarashadooda sidii ay heer uga gaadhi lahayeen guntiga u xidhaan isga oo tilmaamayna inuu jaa’isad siin doono hadii ay kaalmaha hore ka galaan intaxaanka shahaadiga ah waxaana uu yidhi”

“Maanta wadadaad haysaan waxa weeyaan awrka hore awrka danbe socodkiisa ayaa uu leeyahay,Maanta halkaad martaan ayay soo marayaan ardayda idinka danbaysaana,hadii aad meel wanaagsan iyo tub lagu hirto tustaan halkaas ayay soo marayaan,lakiin hadii aad marisaan meel khaldan ayay marayaan,Sumcadaad Maanta Jeexdaan waxa ay u qaybsamaysaa Saddex Qaybood,mid waxa iska leh iskuulka mid adiga ayaa iska leh midna aniga ayaa iska leh oo waxaan ahay guddoomiyihii waxbarashada ee gobolada bari,Maanta oo kalaa ardaygu waxa uu ubaahan yahay guubaabo waxaanan idinkula talin lahaa inaad akhlaaq wanaagsan muujisaan,intaxaanka waxaana idiin rajaynayaa guul dhamaanteen inaga wada farxisa.

Sidoo kale waxa isna kalmado kooban munaasibada kasoo jeediyay macalin ku hadlayay afka macalimiinta Macalin Cabdinaasir Faarax waxaana uu hadalkiisa ku bilaabay”

“Waxaan Idiin Rajaynayaa inaad Dhamaantiin aad gashaan meel wanaagsan kaalmaha horena aad ka gashaan intaxaanka galaasyada 4aad ee aad u fadhiisan doontaan,waxaanan hubaa inaad guul kasoo hoyn doontaa,cid kasta oo halkan kasoo qayb gashayna oo ay ugu horeeyaan ardaydu waxaan leeyahay waxaad ku guulay sanaysaan inaad ilaahay ka cabsataan iskuna dhiibtaan ale ka cabsigana aad badisaan sidaas ayaad heer ku gaadhi kartaan.

Dhinac kale Macali Cabdi Coomay oo ku hadlayay afka dalada ay ku midoobeen iskuulada aan dawliga ahayn ee Hud-Hud oo isna munasibada hadal kooban kasoo jeediyay ayaa waxa uu ku dheeraaday”

“Dalada Hud-Hud waa dalada uu ka mid yahay iskuulka Al irshaad,waana baalaha ugu awood badan ee ay ku dhaqaaqdo daladu,waxaanada maanta tihiin Dufcadii ugu horayse  ee ka qalin jabisay Iskuulka Al irshaada,Kolay Waxaad kusoo beeg mateen wakhti caqabad badan,caqabada ugu horaysa ee inamada haysataa waxa weeyaan waxa maanta bilaabmaya koobkii aduunka,hablahana waxa iyana haysata caqabada badan oo ah filim ay daawadaan,waxaana markaas dhamaantood ku boori lahaa in ay ka digtonadaan inta uu intaxaanku usocda caqabadahaas horta leh.

Maamulaha guud ee madaariska al irshaad Secondary oo isna halkaas kasoo jeediyay kalmado dardaaran ah ayaa waxa uu fariin udiray ardayda waxaana uu yidhi”

‘Dareen kaygu maaha midaan halkan maanta kusoo cabiri karo,waa mid hayaan dheer loo soo galay waxaan xasuustaa in la ii keenay arday aad u yar yar oo gacanta lahayo maanta halka soo fadhiya oo aanu ku gardaadinaynay Aqoon,Runtii waxaanu maanta dareemaynaa wixii uu waalid dareemi jiray,waxaanu leenahay hadaanu nahay maamulka guud ee Dugsiyada Al irshaad,hadafkii aanu mudooyinka badan heeganka ugu jirna waxa uu ahaa in ardayda dhigta iskuulka al irshaad ay noqoto labeenta iskuulada somaliland oo dhan,waxaan ilaahay ka baryaynaa inaanu bulshada dhexdeeda ku darno dahab lakiin aanan ku darin maar.

Gabo Gabadii waxa munaasibada soo gunaanaday agaasimaha guud ee iskuulada gaarka loo leeyahay waxaana uu ku dheerday ahmiyada ay dalka ugu fadhiyaan dugsiyada gaarka loo leeyahay iyo ubax dalka anfici doona ee ay mar walba soo saaraan,waxa uu iskuulka al irshaad ku amaanay kaalinta muuqata ee uu dalka somaliland kusoo kordhiyay,waxa uu biyaamiyay agaasimuhu in maanta  dalka u baahan yahay cid waxa u qabata ee aanu u baahnayn cid ka tahriibta,waxa uu xusay in ay dalkooda aaminaan iskuulada gaarka loo leeyahayna ay hormuud u noqdaan sidii ardayda looga joojin lahaa afada tahriibka.

Munaasibada ayaa Gaba gabadii waxa lagu soo bandhigay riwaayada ka turjumaysa sidii qabyaalada loo tirtiri lahaa,waxaana ay shacabka reer somaliland usoo jeediyeen in qabayaalada la aaso,isla markaas umada somaliland oo dhani ay noqoto mid isku duuban.