Magaallo madaxda labaad ee dalka Ciraaq ee Mosul, ayaa gacanta u gashay Urur hubaysan oo lagu magacaabo dowladda Islaamiga ee Ciraaq iyo Shaam oo ka kooban (Suuriya, Urdun iyo dhulka Falastiiniyiinta).
Tani waxa la leeyahay waxay dhabar jab ku noqonaysaa dedaalka dawladda dalka ka talisaa ku doonaysay inay gacanta ku dhigto dalka oo dhan.
Dagaalyahanada Ururka Hubaysan ayaa xili horeba isku fidiyey qaybaha Magaalada, kaddib markii ay bilowgii gacanta ku dhigeen Dhisme weyn oo Magaalada laga maamulo.
Maamulkii dawladda u joogay Gobolka, Ciidanka Milatreiga iyo kuwa Bilayska ayaa dhamaantood iskaga baxay Magaalada, waxaanay arintaasi walaac ku keentay madaxda sare ee dawladda.
Ra'iisalwasaaraha dalka Ciraaq Nuri Al-Maliki ayaa ka codsaday baarlamaanka inuu dalka ku soo rogo xaalad deg deg ah kaddib markii la qabsaday Mosul.
Dowladda Ciraaq ee ay hoggaamiyaan Shiicada ayaa dagaal kula jirto dablay Sunniyiin ah oo ka soo horjeeda.
Dablayda ayaa horey ula wareegay dhowr magaalo oo kale oo ay ka mid tahay magaalada Falluja ee Sunniyiintu ku badan yihiin iyo kuwo kale.
Hase ahaatee Guddoomiye ku xigeenka Baarlamanka ayaa sheegay in loo baahanyahay in ciidamo dheeraad ah loo diro Magaalada si loogala wareego Magaalada ay qabsadeen.