Muqdisho(GNA)-Ciidamo Jabuutiyaan ah oo ka tirsan AMISOM, ayaa qarax miino lagu weeraray gelinkii hore ee Maanta, kaddib markii Miino loo dhigay waddada xili ay marayeen meel wax yar u jirta garoon Milateri oo ku yaala degmada Buulla-burte ee Gobolka hiiraan.
Qaraxan ayaa loo addeegsaday Miino nooca rumuudka lagu qarxiyo ah, waxaana la sheegay inay la kacday gaadhi sida Kolanyo Ciidan ah, kuwaasoo qaar ku dhaawacmeen.
Sarkaal u hadlay Ciidanka Djibouti ee ku sugan halkaasi, ayaa xaqiijiyey inay askar badani ku dhaawacmeen qaraxan, kuwasoo dhaawacyadooda loo qaaday Magaalada Muqdisho.
Faahfaahin intaasi ka badan muu ka bixin sarkaalkani tirada dhaawacyada iyo baaxada uu leegyahay.
Dhinaca kale, markii weerarku dhacay kaddib waxay ay ciidamada AMISOM iyo Soomaaliya ka fuliyeen Magaalada Hawl-gal lagu soo qabqabtay dad badan.
Degmada Buula-burte ayaa bilo ka hor waxa la wareeegay Ciidanka AMISOM ee Jibouti, kuwaasoo ka qabsaday Ururka Al-shabaab.
Waxaana bilo ka hor goor habeenimo ah Hudheel lagu weeraray Saraakiil ciidan oo AMISOM ka tirsan iyo Masuuliyiin dawladdeed oo halkaasi lagu laayay, kaddib markii Nin la aamisanyahay inuu qurbaha ka yimi ka fuliyay weerar ismiidaamin ah.
Weerarkaasi waxa ku dhintay Saraakiil ciidan oo Jabuutiyaan ah iyo xubno ka mid ahaa Maamulka Dawladda ee Degmada.
Gobanimonews
Muqdisho Office
Email: editor@gobanimonews.com