Hoos ka Daawo Video iyo Sawirro ku saabsan warkan
Taleex(GNA)-Ciidamada Qaranka Somaliland ayaa si nabad-gelyo ah ula wareegay Degmada Taleex ee Gobolka Sool, halkaasoo shan maalmood hor uu ka furmay Shirka la baxay Khaatumo3.
Dad goob-joogeyaal ah ayaa ku waramay inay gabi ahaanba si nabad-gelyo ah uga baxeen Magaalada Ergooyinkii Shirka ka qayb-galay iyo Maleeshiyaadkii Khaatumo.
Ciidanka Somaliland
Afhayeen u hadlay Ciidamada Somaliland ee Taleex galay ayaa sheegay inaanay Ciidamadoodu ka soo laaban doonin guddo galka Taleex, isla markaana ay ujeedada ay u galeen ka timi Shirka lagu qabanayay halkaasoo ay oo aanay ogolayn.
Taliyaha Hawl-gelinta Ciidanka Qaranka Somaliland ee aagaas Gaashaanle Sare Maxamed Aadan Saqadhi oo ku magac-dheer (Dabo-gale), Talefishanka Horn Cable u sheegay inay difaacayaan xuduudka Somaliland.
Halkan ka Daawo:
Dhinaca kale, Taliyaha Ciidanka Qaranka Somaliland Sareeye Gaas Ismaaciil Shaqale oo la hadlay Ideecada BBC-da ayaa sheegay inaanay ciidanka Qaranka Somaliland duulimaad ku ahayn deegaan dad kale leeyihiin, balse ay difaacayaan dalkooda.
Khaatumo
Ma jiro wax war ah oo ka soo baxay dhinaca Maamulka Khaatumo oo la xidhiidha la wareegista Magaaladii ay ku shirayeen.
Noomay suurto gelin inaanu helno Masuuliyiinta Maamulkaasoo oo aanu la xidhiidhnay inaanu helno, iyadoo ilaa hada aan la ogayn meesha ay ku suganyihiin Maleeshiyaadkii Khaatumo iyo Madaxdii Maamulkaas.
Cali Khaliif
Deegaanka Taleex Ergooyinka shirka ku sugnaa, waxa ka mid ah Reysal-wasaarihii hore ee Soomaaliya Cali Khaliif Galaydh, oo hada ah Xildhibaan Baarlamanka Soomaaliya ka tirsan.
Gobanimonews
Laascaanood Office
Email: editor@gobanimonews.com