Hargeysa(GNA)- Shirkada Human Care Diagnostic iyo Shirkada Mindray ayaa tababar u qabtay 23 Dhakhaatiir oo ka kala socda Gobolada Dalka Somaliland.
Tababarkan oo ku saabsan Ultarasound-ka iyo Hanaanka loogu shaqeeyo ee Casriga ah (Practical and Theory) waxa uu socon doonaa Mudo laba cisho ah waxaana bixinaysa Maria Ellizabeth oo ah Khabiir ku xeel dheer Cilmiga Altarasound kuna soo dhex jirtay shaqadan muddo 27 Sano ah.
furitaanka kulankan waxa ka hadlay Maamulaha Shirkada Human Care Diagnostic Md Cali Bashiir Maxamuud C/laahi iyo Dr.Ciise oo ka socday wasarada caafimaadka Somaliland, kuwaasoo ku dheeraaday faa’iidada uu leeyahay qalabkan cusub ee shirkadu soo bandhigtay, Looguna talo galay in lagu baadho Dadweynaha gaar ahaan dhinaca caloosha iyo Uur ku jirta.
Waxa kale oo isna halkaasi ka hadlay Malthew Wang oo ka socda Shirkada Mindray waxaanu soo bandhigay Faa’iidada uu leeyahay Qalabkan Cusub ee loogu talo galay baadhista dadweynaha,isagoo sharaxaad ka bixiyay sida ugu wanagsan ee Qalabku u shaqaynayo, sida uu u shay baadhka ugu heli karo xanuunnada.
Gobanimonews
Hargeysa Office
Email: editor@Gobanimonews.com