Hargeysa(GNA)-Dhalinyaro gadoodsan ayaa baajiyey Shir-dhaqameed ay Magaalada Hargeysa ku yeelan rabeen Hogaamiyeyaal dhaqameedyo ka soo jeeda Gobolka Maroodi-jeex.
Kulankan oo nuxurkiisu ahaa Shir jaraa’id oo ay madaxdhaqameedyadu ku taageeri lahaayeen Musharaxnimada Madaxweynaha ayaa waxa ishortaagay Koox dhalinyaro ah oo loo tirinayo inay taageersanyihiin Guddoomiyaha Xisbiga kulmiye Muuse Biixi.
Odayaal-dhaqameedkan oo saxaafadda ugu yeedhay huteelka Maansoor, ayaa markii ay u diyaar-garoobeen inay warbaahinta mariyaan taageerada ay u hayaan Musharaxnimada shanta sanadood ee dambe ee Madaxweynaha Somaliland, waxa qaarkood loola tagay gacan ka hadal, iyada oo oday ka mid ahaa Madax-dhaqameedkaasi lagu weeraray feedh.
Dhalinyarada ayaa la sheegayaa inay ka cadhoodeen in Magaca Deegaamada ay ka soo jeeddaan Odayaashani iyagoo isticmaalaya ay Taageeraan madaxweyne Siilaanyo, halka ay iyagu taageersanyihiin Muuse Biixi.
Muuse Biixi iyo Madaxweyne Siilaanyo ayaa loolanka u dhexeeya ee Musharaxnimada Madaxweynaha xisbigooda oo xiisad kululi ka dhalatay xisbiga guddihiisa ay dhinaca kale saameyn ku yeelatay Bulshada dhexdeeda.
Khilaafka Xisbiga kulmiye iyo go’aamadii Guurtidu ka soo saartay ayay si weyn uga biyo diidsanyihiin taageerayaasha Xisbiga ee Gobollada Galbeedka, gaar ahaan Hargeysa iyo Gabiley.
Gobanimonews
Hargeysa Office
Email: editor@gobanimonews.com