Hargeysa(GNA)-Shirkadda Isgaadhsiinta ee Telesom ayaa raali-gelin ka bixisay cilad kooban oo hakad gelisay khadkeeda Isgaadhsiinta iyo adeegyada kale Arbacadii Maanta.Shirkadda ayaa fariin Macaamiisha ay ugu dirtay Mobile-ka waxay ku sheegtay ciladaasi ka timi mid ka mid ah Tower-da Shirkadda oo Danab roob ku dhacay.
Tower-ka Danabku ku dhacay ayaa ka taagnaa Tuulada Yogoori oo ka tirsan Gobolka Sool, waxaanay cilada dhanka adeegyada ee timi aad looga dareemay deegaamada Gobolka Sool iyo meelo kale, sida ay Gobanimonews u xaqiijiyeen qaar ka mid ah macaamiisha Shirkaddu.
Raali-gelinta Shirkaddu macaamiisha u dirtay ayaa u dhignayd sidan: “Shirkadda Telesom waxay macaamiisheeda sharafta leh ka raali gelinaysaa hakadkii ku yimi Isgaadhsiinta iyo adeegyada kaleb maanta, iyadoo ahayd ciladu Danab ku dhacay Tower-ka Yogoori”.
Khadka Isgaadhsiinta oo cilada ku dhacday saacado kooban qaadatay, ayaa markii dambe caadi ku soo noqday.
Shirkadda Telesom ayaa ah tan ugu balaadhan dhanka Adeegyada Isgaadhsiinta oo dhan, sida telefoonada, Internet-ka iyo Adeegyada kale ee isgaadhsiinta laga isticmaalo.