Falaryaale(GNA)Ugu yaraan Shan ruux ayaa ku dhaawacmay Shil gaadhi, deegaanka Falaryaale oo u dhexeeya Garoowe iyo Tuko-raq.Gaadhiga ayaa la qalibmay dadka ku dhaawacmay, waxaanu ku sii jeeday oo uu ku socday Mgaalada Garoowe oo uu siday Saytuun iyo dad Rakaab ah oo uu ka qaaday Magaalada Garoowe.
Axmed Siciid oo wade ka ahaa Gaadhiga ayaa ka mid ah dadka ku dhaawacmay shilkan, waxaanu sheegay in nabar ka soo gaadhay wajiga hore.
Ninkan ayaa warbaahinta u sheegay inuu Gaadhigu laba jeer isrogay. Waxaanu intaas ku daray inay dhaawacyo culus qabaan laba Gabdhood oo Rakaabka gaadhiga saarnaa ka tirsan.
“Laba jeer ayuu gaariga is-rogay annagu seddex dhalinyaro ah baan nahay waxaa hadda tacbaan ah laba dumar ah oo gaariga nala saarnaa ,waxaa iyaga khasaare u gaysatay muraayadda hore ee baabuurka“ayuu yidhi.
Ma jiro wax war ah oo ka soo baxay laamaha ammaanka ee deegaanka oo la xidhiidha sababta dhalisay shilkan gaadhi, balse warku wuxuu intaas ku darayaa in dhaawacyadii loo qaaday Magaalada Garoowe ee Caasimada Puntland.
Gobanimonews
Laascaanood Office
Email: editor@gobanimonews.com