GNA_Tababare Fabio Capello ayaa waxa ay ku noqotay la yaab kadib markii rikoor u yiil horyaalka Serie Ada uu hore u dhigay ay jebisay kooxda Rome.
Capello waxa uu sheegay in uusan filayn in la jebinayo rikoorkan balse uu aad ugu faraxsan yahay in Rome ay jebiso rikoorkan.
Tababaraha haatan leyliya xulka Ruushka ayaa ku guuleystay sagaal guul oo kooxda Juventus gaartay xilli ciyaareedkii 2005-2006. Balse kooxda Giallorossi ayaa toban ciyaar oo isku xigta ay badisay.
“Waan ku faraxsanahay in Rome ay jebisay rikoorkeygii,”ayuu Capello u sheegay wargeyska Il Messaggero.
“Waxaan weli ku xiranahay magaalada iyadoo markii aan dhalinyaradaha ahaa aan ciyaaryahan iyo tababaraba ka soo noqday. Waxaan ku leeyahay saaxibo badan Rome badanaana waan booqdaa.
“Anigoo si daacad ah u hadlaya ma filayn in Rome ay jebinayso rikoorka. Balse kooxda waa ay ka xoogan tahay sidii sanadkii hore iyo sanadihii ka si ihoreeyayba.
“Intii uusan bilaaban xilli ciyaareedka kooxda uma muuqan mid dhamaystiran waayo Daniel Osvaldo, Erik Lamela iyo Marquinhos ayaa ka tagay, balse kooxda hadda waa ay dheelitiran tahay.”
Tababaraha xulka Ruushka ayaa aaminsan in kooxda Rome sanadkan ku guuleysan karto koobka Serie Ada haddii ay ku sii socoto qaab ciyaareedka ay bilowga xilli ciyaareedka la soo shir tagtay