London(GNA)-8 Bisha Janaury ee sanadka 2014 ayaa la hadal hayaa inay Dawladda Ingiriisku go’aan kama dambeys ah ka soo saarto Joojinta Daroogada qaadka ee looga soo dhoofiyo waddanka Kenya.
Warar hoose oo soo baxaya ayaa sheegay inay Wasaaradda arrimaha gudaha ee dalkaasi oo kaashanaysa guddida arrimaha gudaha ee Baarlamanku madnuucayso u soo dhoofinta ingiriiska ee Qaadka.
Hase ahaatee Dawladda Kenya ayaa go’aankan olole ka dhan ah wadda, waxaana dalka Ingiriiska ku sugan wefti balaadhan oo socda Baarlamanka dalka Kenya, kuwaasoo xukuumadda Uk cadaadis ku saaraya inaanay joojin qaadka.
Kenya ayaa ah waddamada Bariga afrika ee Jaadka ugu badan u dhoofiya Caalamka, khaasatana Ingiriiska iyo Somaliya.
Kooxo u badan Jaaliyadda Somalida eek u dhaqan waddanka Uk ayaa Olole ka dhan ah qaadka dalka Ingiriiska ka wada, kuwaasoo ku doodaya in dadka uu dhibaatada ugu badan qaadku u geystaa ay yihiin Somalida.
Somalida ayaa ayaan daro ku tilmaamay in Dawladda Somaliya qayb ka noqon waydo Ololaha lagu joojinayo jaadka, waxaana taasi ku sababeeyeen siyaasadda murugsan ee xiligan dalku ku suganyahay.
“hadii la leeyahay Somalida ayaa ugu badan dadka qaadka cuna, taasi waxa weeye dhibaatada ugu badan waxa uu u geystaa dhalinyarada somalida, marka hadii Kenya loo daneeyo oo la eegi waayo dhibaatooyinka Bulshada somalid ah ka heysta daroogadan, taasi waxay noqonaysaa cunsuriyad”sidaasi waxa sheegay Abubakar oo ka mid ah kooxaha somalida ee ka soo horjeeda Jaadka.
Horaantii sanadkan ayay ahayd markii ay bilaabantahay doodda ku saabsan Joojinta qaadka ee Ingiriisku, waxaana xiligaasi soo dhaweeyay dad badan oo Somali ah oo ku nool dalka uk, kuwaasoo u badan qoysaska caruurtoodu jaadka ku saaqideen.
Gobanimonews
London Office
Email: editor@gobanimonews.com