Hargeysa(GNA)-Masuuliyiinta Wargeyska Hubaal oo ka mid ah Wargeysyada Madaxabanaan ee ka soo baxa Caasimada Hargeysa ayaa shaaca ka qaaday in Sifo sharci daro ah lagu sii daayay Ninkii hogaaminayay Weerarkii lagu soo qaaday Wargeyska 7 Bilood ka hor.
Arrintan ayay ku tilmaameen xaq daro badheedh cada oo sii xoojinaysa dareemadii laga qabay inay xukuumaddu ka dambeysay weerarkaasi.
Bishii April ee sanadkan ayay goor saqdhexe ah niman hubaysan oo askar ahi soo weerareen xarunta wargeyskaasi, kaasoo dhaawacyo iyo waxyeelo kale loogu geystay Masuuliyiinta Wargeyska iyo shaqaalaha qaar.
Si sharaaid oo ay ku qabteen maanta Magaalada Hargeysa, Maareeyaha guud ee wargeyska hubaal Maxamed Axmed jaamac, Tafaftiraha guud ee Wargeyskaasi Xasan Xuseen Cabdilaahi iyo Garyaqaan Muuse Yusuf Xasan, waxay ku dalbadeen in 24 saacadood gudahood dib loogu soo xidho Eedeysanaha la sii daayay.
Xubnaha ayaa sidoo kale dalbaday in hab cadaaladda waafaqsan loo qaado Kiiska Wargeyska iyo hawl-wadeenada kala dhexeeya raga weerarka u geystay.
Tafaftiraha Hubaal ayaa sheegay in Tacadigii lagula kacay ee hore talaabada dambe ee loogu daray muujinayso Cadaawad xaq daro ah oo aan geed loogu soo gaban.
Dhegeyso:[audio mp3="http://www.gobanimonews.com/wp-content/uploads/keef-keef.mp3"][/audio]
Maareeyaha Guud ee Hubaal Media Maxamed Axmed Jaamac oo isna arrintan ka hadlay ayaa sheegay in hadii 24 saacadood dib loogu soo xidhi waayo Eedeysanaha ay ka fal celin doonaan.
Halkan ka dhegeyso:[audio mp3="http://www.gobanimonews.com/wp-content/uploads/caloolay.mp3"][/audio]
Garyaqaan Muuse Yuusuf oo isaguna shirkaasi jaraa’id ka hadlay ayaa sheegay in Kiiska Ninka la sii daayay la marin habaabiyay, laguna qaaday Maxkamad aan awood u lahayn.
Waxa uu ku baaqay in Kiiska nidaam shuruucda dalka waafaqsan loo qaado.
Dhegeyso:[audio mp3="http://www.gobanimonews.com/wp-content/uploads/codka-sharcui-yaqaanka.mp3"][/audio]
Saxaafadda Madaxbanaan ee Somaliland ayaa si weyn uga biyo diidsan sii deynta Eedeysanaha loo haysto wargeyska Hubaal.
Ma jiro wax war ah oo ay xukuumadda Somaliland arrintan kaga jawaabtay,balse warbaahinta ayaa dalbanaya in go’aanka lagu sii daayay eedesanaha xukuumaddu ka laabato, Kiiska wargeyska oo daba dheeraadayna cadaalada la waafajiyo.
Gobanimonews
Hargeysa Office
Email: editor@gobanimonews.com