Reer Gabiley oo soo dhaweyntii looga bartay ku qaabiley?
Hargeysa(GNA)-Madaxweynaha Somaliland Axmed Maxamed Maxamuud (Siilaanyo), ayaa maalinta oo sabti ah Booqday xarunta Gobolka Gabiley, waxaanu halkaasi kaga qayb-galay Xaflada qalin jabinta Ardayda Jaamacadda Gabiley.
Madaxweynaha ayaa tiraba afar jeer ka baaqday Safarkiisan Magaalada Gabiley uu ku tegay , taasoo loo aanaynayay xaasaasiyad Gobolka ka taagan oo dhanka siyaasadda ah.
Madaxweyne Axmed Siilaanyo ayaa Socdaalkiisan Gobolka wali ku guddo jira,
Magaalada Gabiley ayaa si diiran loogu soo dhaweeyay Madaxweynaha iyo weftiga uu hogaaminayo.
Ilo-wareedyada Gobanimonews ka heshay aqalka madaxtooyada ayaa tibaaxaya in madaxweynuhu safarkiisa ku booqan doono deegaamo kale oo ka mid ah gobolka, sida Degmada Alleybaday oo dhinaca Koonfurta Gobolka ah.
Dib u Xusuusin
Gobolka Gabiley ayaa ka mid ah Goboladda ugu dakhli soo saarka badan somaliland, waxaana ku yaala Kastabka Kala-baydh oo ah mid ka mid ah xudunta dhaqaaluhu meelaha ay ka soo baxdo.
Gobolka ayaa sidoo kale qani ku ah wax soosaarka Beeraha, waxaanu ka mid yahay meelihii xisbiga Kulmiye Taageerada badan ka helay xiligii Ololaha doorashada madaxtinimada, markaasoo xisbigu balanqaadyo badan u sameeyay bulshada.
Hase ahaatee dadka Gobolka ayaa aaminsan in xukuumadda kulmiye markii ay talada la wareegtay ilowday wixii ay u balanqaaday Gobolka, dhaliishaasoo ah mid wali ilaa hada taagan.
Sanadkii 2011-kii ayay ahayd markii Magaalada Gabiley Kabo looga tagay ama lagu soo dhaweeyay wefti Madaxweynuhu hogaaminayay oo ku sii jeeday Magaalada Boorama, waxaanay taasi muujinaysaa saluuga siyaasadeed ee bulshada Gobolka.
Gobanimonews
Hargeysa Office
Email: editor@gobanimonews.con