Muqdisho, 30 Nofember 2013(GNA) - Ergaygga Gaarka ah ee Xog-hayaha- Guud ee Qarammadda Middobay u Qaabilsan Soomaaliya, Nikolas Kay ayaa sheegay in uu walwal xoogleh ka qabo dagaalka ka qarxay dhowan Gobolka Waqoori Bari ee Sool.
War qoraal ah oo ka soo baxay Xafiiska Qaramada Midoobay ee Magaalada Muqdisho, ayaa lagu yidhi “Dagaal weligiis laguma xalinin Arrimo Siyaasadeed mana lagu xalin doono. Dhamaan dadka meesha jooga oo ay arrinta khusayso, waa in ay hadda muujiyaan daganaasho, raadiyaana dib-uheshiisiin”, ayuu yiri Ergaygga Gaarka ah ee Kay.
Ergaygga Gaarka ah waxa uu aad uga xumaaday dadka ku dhintay dagaalka, wuxuuna tacsi udiray eheladii dadkii dhowaan lagu dilay meeshaas.
“Arragtida Siyaasadeed ee lagu kala gedisanyahay iyo Arrimaha la kala Sheeganaayo, waa in lagu xaliyaa wada hadal. Nabadgeliyadda iyo Xasiloonidana waxay muhiim u yihiin habka doorashada Buntland,” ayuu ku yiri Ergaygga.
Mudane Kay iyo Jaalayaasha ka tirsan UNSOM ayaa la wadda xariiray Madaxdda ka jirta Gobolka waxayna ku guubaabiyeen in ay is-xakameeyaan, waxayna oogu baaqeen in ay gacan ka gaysanayaan Wadda-haddalka iyo dib-uheshiisiinta.”ayaa sidoo kale lagu yidhi war qoraal ah oo ka soo baxay xafiiska warfaafinta qaramada Midoobay ee Somalia.
Dhinaca kale Raysal-wasaaraha Somaliya ayaa ka hadlay Dagaalkaasi waxaan ku baaqay in la joojiyo.
Gobanimonews
Muqdisho Office
Email: editor@gobanimonews.com