Dawladda oo sheegtay inay dib u soo nooleysay xiriirkii kala dhaxeeyey Nigeria
Muqdisho(GNA)-Madaxweynaha Jamhuriyadda Federalka Soomaaliya Mudane Xassan Sh. Maxamud ayaa maanta Xarunta Villa Somaaliya ku qaabilay Safiirka Dowladda Nigeria ee Somaliya Akin Oyateru Dalka soo gaadhay.
Waa markii ugu horaysay ee Safiir Nigeria ka socdaa soo cago dhigo Muqdisho tan iyo markii ay bur-burtay Dawladdii dhexe ee Somaliya 1991-kii.
Sida lagu sheegay warsaxaafadeed ka soo baxay aqalka madaxtooyada Villa Somaliya, waxa Kulanka madaxweynuhu la yeeshay Safiirka ku wehelinayay R/Ku Xigeenka ahna Wasiirka arimaha dibadda Marwo Fawzia Yusuf Adam,Wasiir A.F.Okoh iyo Saraakil sare oo booliska Najeeriya ka tirsan waxeyna muujiyeen in ay Nijeeriya ka go’antahay taageeridda dowladda Soomaaliya.
Madaxweynaha Soomaaliya Mudane Xasan Sheekh Maxamuud oo kulankaasi ka hadlay sheegay “ Soomaaliya waxey ku soo jirtay dagaal muddo dheer soo socday oo la dagey dhammaan hay’adaha dowladda oo hadda aan dib-u-dhis ku wadno. Dowladda Nigeria waxey hadda qeyb ka tahay Ciidamadda booliska AMISOM.
Safiirka Nijeeriya ayaa wuxuu Madaxweynaha u gudbiyay warqad uu ka siday Madaxweynaha Nijeeriya Mudane Jonathan Goodluck taas oo lagu casuumay Madaxweynaha Jamhuuriyadda Soomaaliya in uu booqasho rasmi ah ku tago dalka Nijeeriya.
Dalka Nigeria ayaa ka mid ah dalalka ay sadhayay Dagaalka Jihaad doonka Ururadda Diiniga ah ee Afrika, Waxaana la sheegaa inuu xidhiidh ka dhexeeyo ururka Al- Shabaab ee Somaliya ka dagaalama iyo Kooxda Boka Haram ee Nigeria .
Dowladda Nigeria ayaa waxaa ay qeyb ka ahaayeen ciidamdii UNISOM ee sanadkii 1991 ka howl galay Soomaliya.
Gobanimonews
Muqdisho Office
Email: editor@gobanimonews.com