Kobaca Teknoolajiyadda ee maalinba maalinta ka danbaysa isa soo taraysaa waxay beddeshay qaab nololeedkii mujtamac dunida iyo isku xidhka Caalamka taas oo samayn badan ku yeelatay horumarka kabayasha dhaqalaha, Tacliinta,Caafimaadka, Nabadgelyada iyo isku gudubka dunida.
ka fa?ideysiga Teknolojiyaddu waxay noqday hirdenka ugu weyn ee dunidu maanta ku loollanto iyo iskaashiga xaga amniga taas oo siweyn laysku waydaarsado xogdoonka xaga Sirdoonka.
Hadii aynu dhinac
Taban ka eegno waxa aan shaki ku jirin in horumar kasta oo laga sameeyey isgaadhsiinta Teknoolajiyadda ay ku lamantahay khataro badan oo Caafimaad iyada oo ay jiraan Hayado iyo ururo Calamiya kuwaas oo u taagan ilaalinta Tayada iyo is waafajinta Isgaadhsiinta si loo xadiido wax yeelada ka imankarta lakiin waxaa siweyn u soo ifbaxay dildilaaca iyo samaynta caafimaad ee laga dhaxlay isgaadhsiinta gaar ahan Telefonka gacanta iyo aladaha suuro geliya adeegsigiisa.
Waxaynu halkan ku iftiiman doonaa Mobilada dalkeena laga isticmaallo iyo halista Cafimaad ee wehelka inoo ah iyo sidoo kale xidhiidhka ay leeyihiin Biraha Tawarada korkeena ka muuqda iyo alada loo yaqaano 3G.Shirkadaha sida sharcigaa u soo sara Mobilada markasta oo ay soo saaraan nooc cusub (new model) waxay maraan nadaam loo dajiyey kaas oo sheegaya ama cadaynaya heerka wax yeelada Radiationka (shucaac) Mobilkaa iyo khatarta uu uleeyahay bina?adamka waxana loo dajiyey Unit ama halbeeg aanu dhaafi Karin waxana la ogol yahay Radiationka (shucaaca) uu leeyahay inaanu dhaafi Karin 0.002Millisecond intaa ka dib waxaa la qoraa waraaqda Safety Certificate taas oo cadayn u ah badbaada qofka saasanu suuqa ku soo gala waxana laysku waafaqay intaa waxa dheeri inay khatar ku tahay nolosha bina adamka keenan Radioactive sobaba Xanuunada Cancelka iyo dhiig furan madaxa.
Somaliland Waxaa laga isticmaala mobilada lagu farsameeyo wadanka China mana jirto wax hubin caafimad oo lagu sameeyaa waxana loo soo waridaa sida alabada kale ee wadanka timaada waxaa xusid mudan Wadanka China ee laga keeno Mobilada lagama isticmaalo halka wadamada Yurubna uu madnuuc ka yahay mana waafaqsana Standardka ama heerka loo ogalyahay inuu soo sarista mobilku maro taas oo macnaheedu tahay inuu tayo ahaan aad u ugu hooseeyo heerkii loogu tala galay in la isticmaalo waxana laga dhaxalay dhibaatooyin caafimaad oo uu dareemo qofkasta oo la nool mobilka China ah gaar ahaan dadka sida xad dhaafkaa u isticmaala.
Markasta oo waxbadan mobilka ku hadasho waxad dareemi kartaa kulayl dhegtadaa taas oo ay keenayso Signalkaa ama Hirkaa kuwareegaya dhagtaada ee kusoo noqnoqanaya oo aan xadidnayn madama oo aynu nidhi ma waafaqsana Standardkii ama heerkii loo dajiyey inanay Bina adamka wax yeelo ku ahayn Mobilkasta marka uu wax gudbinayo waxa soo raaca laliye(Transmiter) laliye haas waxa uu wataa Shucaac (Radiation) waxaan loo sameeyey lingax si loga hortago liiditaanka Radiationka waxaa la ogaaday inaany mobilada China ee wadanka laga isticmaala lahayn lingaxaa badbaada taa macnaheedu waxay tahay inay jirto khatar badan oo ka iman karta Shucaac ama Radiationka laga qaado xanuunka halistaa ee Cancelka iyo dhiig furan madaxa Alle haynga hayee.
Eng Maxamed C/laahi Yasiin waa khabiir dhanka Isgaadhsiinta kana hawl gala shirkad kuwa Telefonada ah oo ka jirta wadanka Brittan waa muwaadin u dhashay Somaliland dhawaan waxa uu wadanka ka sameeyey tijaabooyin uu ku eegayey halista caafimaad ee mobilka China leeyahay waxa uu qaaday Sample ama muunad mobilada China ah isaga oo isticmalaya qalabka lagu cabiro Radiation ama Shucaac waxa uu tijaabadan ka sameeyey oo uu sitoosa lago arki karayey xarunta TV qaran somaliland ku leeyahay London. waxa uu soo bandhiga oo shashadana laga arki kerayey markii uu saray alada lagu cabiro Radiationka waxaa soo baxaday natiijo ah in 7 jeer ka badan yahay heerka shucaaca la ogal yahay mobilada wadanka laga isticmaalo taasi oo ku tusi karta farqiga u dhaxeeya iyo khatarta wahelka inoo ah waxakale oo uu cadeeyey inaanu mobiladani lahayn haba yaratee lingaxa lagu ilaliyo khatarta Radiationka.
Lasoco qaybta 2aad .....Tawarada + 3G iyo sidaad u yaran lahayd khatarta Shucaac
W/Q: C/raxman Colad Cumar-jeex
Tell: 00-252-63-4177118/00-252-9-7917810.
E-mail rafiiq2@hotmail.com
Hargeis, Somaliland.